吳卓羲懶理同Hana菊梓喬緋聞 公開與「另一半」拖手兼夕陽下嘴對嘴
廣告
吳卓羲（Ron）日前凌晨約4時突然在微博發帖文，Tag了菊梓喬（Hana）的名字，結果惹來外間揣測以為他想公開戀情，事後他澄清純粹一場誤會，解畫指自己不懂玩社交網，又說網民想多了。「Tag就揀咗，咁Tag完就要結婚？我以後要睇清楚每個掣點撳。」
撰文：叮叮｜圖片來源：黃宗澤微博、吳卓羲IG、菊梓喬IG
吳卓羲（Ron）公開「真命天子」？
這邊廂Ron否認戀情，不過昨日（14日）網上就流出他同人的拖手親密相，身邊的「真命天子」終於現身，而此人正是Ron的好兄弟黃宗澤（Bosco）。近排興HeHe，想不到異性緣同樣暢旺的Ron和Bosco都響應潮流，學人玩埋一份。
越玩越癲幾乎嘴對嘴
在Bosco於IG貼的相中，起初他與Ron在夕陽下，背着鏡頭面向大海擺出型格Pose，但後來愈企愈埋，幾乎嘴對嘴，最後兩個男人還拖着手，畫面勁纏綿旖旎。Bosco寫道：「好地地一張咁有mood嘅相，點解我哋要惡搞成咁呢？」實情是Ron和Bosco正為新劇《廉政狙擊》開工，二人出外景去到海邊時，一時興起喪影合照打卡，誰知越玩越癲，大玩HeHe情。對此，網民非但冇反感，反而狂派心心和讚好，甚至有人留言希望二人在一起呢！
