吳卓羲凌晨4點發文齋Tag菊梓喬 網友笑問：是否又被搶電話？！

撰文：八卦妹｜圖片來源：吳卓羲微博、菊梓喬IG｜部份原文刊於：東方新地

吳卓羲半夜發文獨TAG菊梓喬

吳卓羲（Ron）在今日（10/9）凌晨四點許，突然在其內地社交網上發文，沒有寫上任何字句，只是單單Tag了菊梓喬（Hana），帖文至今仍在，從而引起不少網友猜測，吳卓羲此舉是否有意想宣布戀情。

網友：想宣布戀情？定被搶電話？

內地有不少網友看到後，都紛紛留言大問吳卓羲是否準備要宣布戀情：「等官宣，真的就祝福」、「希望卓羲bb可以遇到真愛，找到真心對他的那個人」、「哥，你這是官宣了還是又被搶了手機啊」、「小心早上喜提熱搜。」

亦有部份網友反問吳卓羲該個帖文是否真的由他發出，抑或像數年前被內地女星張馨予搶電話宣示主權：「為啥我想起來，之前某一次的情況是被別人拿手機發的微博，這次…啥情況」、「又又又又被女朋友上了微博號？？？？肉啊長點心吧？」、「如果是你手機被別人用了就眨眨眼、手機被偷了嗎哥？」、「感覺和之前的情況一樣，被女朋友搶手機了？」

吳卓羲曾被內地女星張馨予搶電話宣示主權

2011年時，吳卓羲的微博上突然出現張馨予的床照，並留言表示：「很累，收工以後什麼都不想做只想睡覺，睡覺，頭好痛。」從而惹起中、港、台三地網友注意，雖然事後，張馨予解釋自己不小心用錯帳號登入，但外界卻反指是張馨予有意藉此宣示主權，迫吳卓羲認愛。

吳卓羲離巢無綫事業一帆風順

十七年前備受無綫力捧的《衝上雲霄》「 S4 」吳卓羲、陳鍵鋒、黃宗澤及馬國明，近年個個獨當一面，15年離巢無綫外闖的吳卓羲，兩年內拍了五套內地劇，間中拍邵氏出品劇集，中港兩邊走事業一帆風順，除了成為邵氏御用演員，連拍三部中港合拍網劇《飛虎》系列，更踩入電影圈。據知情者透露：「阿 Ron喺內地好吃香，一直有唔少工作，其實佢好早喺內地已經有知名度，04年佢同林峯主演嘅 TVB劇《大唐雙龍傳》，雖然香港收視一般，但喺內地就好受歡迎，幫佢兩個打出名堂，之後 Ron都拍咗唔少內地劇，長期 keep住人氣賺人仔，近年喺影壇又一片接一片，非常當旺！」

掘金能力強三年供完一層樓

出道即爆紅，當時年少氣盛的吳卓羲好玩車，戰車換個不停，曾被拍到駕駛百萬 Benz跑接載緋聞女友張馨予，不過自12年和張馨予分手，狂換戰車時期亦已成過去式，並落力儲錢買磚頭。據好友爆料：「出道冇耐就紅又搵到，後生仔邊個唔貪玩？捨得揈錢買衫、買名錶、玩模型、玩車，都係啲揮霍玩意，有段時間真係儲唔到錢，連吳媽媽都好擔心佢，一路提佢儲錢買樓！」

原來令吳卓羲有如此大改變是得隱世高人苗師傅指點，13年，吳卓羲終於儲夠彈藥，以九百萬首次置業兼圓母心願。據知情者透露：「以前掛住玩車洗腳唔抹腳，阿 Ron亦唔識投資，但自從得苗師傅指點之後，佢成個改變晒，喺買第一層樓，阿 Ron就得苗師傅指點買入深井碧堤半島，話有助佢運勢，而阿 Ron買咗碧堤之後，又真係事業愈嚟愈好，15年離開無綫發展亦得心應手，碧堤物業仲喺三年內就供完。」

高人指點計劃再入市

據知吳卓羲是透過圈中好友，認識被喻為隱世高人的苗師傅，得苗師傅指點迷津，阿 Ron近年事業暢旺兼遠離是非，手上物業亦愈滾愈多。據知情者透露：「苗師傅批 Ron條命要買樓投資會令佢事業財運都相得益彰，17年Ron聽高人意見再入市，買咗一個二千幾呎物業，嗰時阿 Ron覺得層樓個價好乸脷，仲驚唔知幾時升值，又怕自己負擔唔到，好在聽從師傅意見，買完後工作接唔停手，更喺呢年高薪簽做邵氏御用演員，層樓上年亦供完！就連喺內地置業都有斬獲，所以佢好信苗師傅，只要苗師傅講一句，佢二話不說照做！」

孝順仔結婚都與母同住

風生水起的吳卓羲，聽從苗師傅的建議把脾氣收斂，不再揮霍，唯一不變是入行至今非常孝順，大部分物業都寫媽咪名，近日又已經儲夠首期準備今年再買樓贈母。據身邊人透露：「阿 Ron好錫媽咪，買樓都係想媽咪住得舒服啲，佢講過就算將來結婚，都一定要同媽咪同住，搬入大埔比華利山，雖然話係師傅教路，但其實阿 Ron一路都想搬住獨立屋，因為佢喺屋企擺咗好多巨型模型公仔，霸佔咗好多地方，佢唔想媽咪行開行埋畀啲公仔阻到，所以想搬大啲間屋，而Ron媽對住屋最大要求係要近住街市，比華利山位置較偏，所以阿Ron亦專登請司機，接載媽咪出外買餸同約街坊見面！」果然乖仔真係有運行！

唔儲老婆本

吳卓羲撲水買玩具去北京開博物館 吳卓羲前年在北京開了首家玩具博物館，雖然相比起古天樂的玩具倉只是小巫見大巫，不過吳卓羲的博物館就公諸同好，免費開放同路人參觀，而租地 方、請人打理博物館始終都要皮費，吳卓羲為圓玩具夢，近年密密接job拍戲冇停過，撲水買玩具花費不菲，唔知佢幾時先肯儲老婆本成家立室呢？

吳卓羲北京開玩具博物館供同好免費參觀

前年吳卓羲在北京開了全國第一間figure博物館，名為《吳卓羲個人雕像模玩博物館》，展出了他收藏的超級英雄figure，包括Marvel、DC都有。

吳卓羲專心搵玩具錢

密密接job唔儲老婆本 吳卓羲表示選擇開博物館是因為他收藏嘅figure數量實在太多，而他希望每一個figure都要放在可以完全欣賞到的地方，屋企已經放唔落，再加上屋企養了幾隻貓，主子好易整爛figure。所以吳卓羲就把自己多年的珍藏運上北京，放在該博物館展示，博物館一共有三層，一層和三層是模玩手辦陳列區，二樓是辦公室，看到吳卓羲博物館的陳列品豐富程度，估計這些年吳卓羲的血汗錢都花在玩具上。