叱咤2023｜7大花生位 Lolly Talk成「難聽MVP」Tyson最「胸」猛

一文直擊7大花生位：

叱咤2023｜1. 胡楓驚喜登場 感性發言惹全場鼓掌

今晚的開場表演由林家軒自彈自唱陳奕迅《歌頌》，「老闆仔」黃梓樂和鍾雪瑩都接著出場，最後胡楓驚喜登場，分別唱出黎明《哪有一天不想你》和張學友《愛是永恆》，最後一番感性發言感動不少現場的觀眾和網民：

今年係我90歲生日，希望我可以繼續我嘅演藝生活，永不言休。最後希望在坐嘅各位，身體健康、生活愉快，OK嗎？

叱咤2023｜2. Jeffrey勇奪新人金 Live表現嚇窒網民

Jeffrey魏浚笙今年推出《遺忘了初心的我們》、《失約巴黎》、《Never Say Never》、《我的世界地圖》等4首派台歌，令他成功勇奪「叱咤樂壇生力軍男歌手」金獎。勇奪男新人金的Jeffrey在台上大方多謝女朋友，更唱出今年冠軍歌《失約巴黎》，表現超穩定嚇窒一班網民：「Jeffrey唱得咁好，之後鏡真係大壓力」、「見佢平時傻下傻下，原來都真係唱得幾好」、「煨sir完勝好多在場嘅歌手」等。至於兩年前的男新人金獎的MC張天賦，今晚就憑《世一》奪得「叱咤樂壇我最喜愛的歌曲大獎」第八位，帶病上陣的MC依然表現的非常穩定，同樣獲網民力讚。

叱咤2023｜3. 姜濤表現冷靜 網民：大讚成熟了

去年在叱咤表演《鏡中鏡》時暴走落台亂嗌遭力插，被斥不尊重舞台。今年憑《濤》奪得「專業推介．叱吒十大第六位」的姜濤就冷靜好多，上台取過獎項後，只簡單多謝《濤》的製作團隊和MIRROR，就開始表演得獎歌《濤》。雖然今年沒有暴走落台亂嗌，但就在台上唱到喘曬氣，令網民都睇到戥佢覺得辛苦

叱咤2023｜4.「職場欺凌KOL」艾粒又玩棟篤笑

去年犯上「職場欺凌」指控的艾粒在頒獎期間又講棟篤笑，在頒發「叱咤樂壇至尊金曲」時瘋狂令台下歌手如Nancy Kwai 歸綽嶢、Anson Lo、Jay Fung、肥仔等人來開玩笑，睇到網民都話覺得好尷尬：「串AL係紙扎公仔？」、「快L啲啦，都唔知做乜」、「唔好當做節目咁亂up啦，你哋上台亂up真係唔好笑」、「竟然夠膽講五月天？」等。

5.Tyson Yoshi「巨胸」撼贏COLLAR

Tyson Yoshi（程浚彥）今晚一出場已經驚豔在場的各位觀眾，孖住COLLAR齊齊出場，Tyson Yoshi今次低胸裝示人，除了心口的扣幾乎「撐唔住」之外，身材即被網民指仲好過旁邊的COLLAR。

6. Lolly Talk成「難聽MVP」?

獲得「專業推介叱咤十大2023」、「叱咤樂壇組合」銀獎的女團Lolly Talk，現場表演歌曲《一把火》時，唔少網民表示聽到真係「一把火」，狠批Lolly Talk成為叱咤2023 最難聽MVP「唔係話世一女團咩？Lolly talk個live難聽到」「公道講句 Collar 真係x打」「真係好x難聽，有幾個位都嚇左一跳」

一齊聽吓先：

7. 網民大讚叱咤今年最公道 尹光「一人之境」

今年得獎者令唔少網民都大讚公道，仲話叱咤好似正常返，特別係拎到女歌手金獎的陳蕾、組合金的Dear Jane更被大讚真係實至名歸！而最令人期待的「我最喜愛男歌手」由張敬軒奪得，雖然大熱尹光陪坐，但網民都大讚真係最好的結果！

叱咤2023｜ 完整得獎名單 MIRROR輸組合 尹光「堅．一人之境」