台灣MeToo︱炎亞綸EX KOL耀樂即被反爆疑涉桃色交易兼呃錢！對話圖震撼

台灣MeToo︱耀樂疑涉桃色交易

炎亞綸前度網紅耀樂爆完炎亞綸大鑊後，疑被人爆返轉頭，仲出晒對話圖！一位台灣網民就喺討論區爆料，指佢的朋友被耀樂呃錢。事源耀樂用ig同當事人講自己需要錢，然後二人決定「約會」，仲傾好價錢，台幣54000約6次，每次約會俾9000，當事人仲表示想當耀樂的長期飯票！對話耀樂中亦ok價錢，俾埋自己的證件對方，對方仲開埋房，不過後來耀樂就要求一次過俾晒54000。2人約會後仲合照一張留念。

台灣MeToo︱耀樂拎咗錢就潛水

最後對話中可看到耀樂同當事人似乎開心一日後就消失咗，並無履行約6次的承諾，當事人不斷投訴耀樂自從收咗錢就唔理會佢、唔應機，最後似乎不歡而散，仲話要告耀樂呃佢錢。爆料者亦表示當事人睇到耀樂爆炎亞綸的事，認為佢自己都係一個不守信用的人，直接故意消失咗半年。

13張完整對話圖流出：

台灣MeToo︱網民：那位網紅真的很想紅

唔少網民對於耀樂同炎亞綸的事深表同情，對炎亞綸感到失望。發生呢件事後，唔少網民的態度都180度轉變，事件完全係鋒迴路轉，亦有網民質疑耀樂所謂6年的吞聲忍氣「開始轉移了」「這就是我想要的結果，果然是為了錢」「髒東西原來是這樣弄炎要騙錢」「炎的運氣還真好」「很會賺錢呢耀樂」「他真的是被包養慣了」不過亦有網民力撐耀樂「成年買賣同未成年非自願拍片係2回事」「果然那位網紅真的很想紅」