古明華將離巢無綫獲太太支持 《法證先鋒IV》中演殺人犯演技出色！｜頭號粉絲
撰文、圖片：東方新地｜編輯：異種火星人（原文刊於：東方新地）
古華明入行至今26年曾演出過無數角色
90年於演藝學院畢業，3年後隨即憑第一部電影《旺角馬場》獲得提名金像獎「最佳新人獎」，卻與獎項無緣。其後他加入TVB，可惜只是多演配角，如大賊、劊子手、強姦犯等。由於只演配角，當時收入相當不穩定。
古明華《法證先鋒IV》中演殺人犯演技出色
古明華參演晒四輯的《法證先鋒IV》，先後分別飾演過夜總會經理、私家偵探、流浪漢，而在最近TVB熱門劇集《法證先鋒IV》其中一個單元中則飾演一名殺人犯，故事是指古明華所飾演的「譚以喬」原來一直以來都是講大話，來，掩飾自己殺死麟仔的事，法醫力斥因他個人的自私想法，令麟仔失救後再被埋在水泥中被侷死，之不過他被警方帶走迫問時，聲淚俱下，以使眾人都相信他真是無辜。
古華明計劃返內地搵人仔惜疫情爆發計劃有變
古佬古華明離巢遇著疫情大爆發，演藝圈進入寒冬時期，本來一心想返內地搵機會，希望令收入增加，以供養喺大學讀書嘅囡囡，古佬話作出呢個決定時未出現疫症，現時惟有先休息見步行步。
一頭家一條心有老婆撐「安心上路」
冇人知古明華呢個決定是對是錯，但最重要係有太太全力撐，成日同太太行孖咇嘅古明華，早前放工，喺門口同粉絲影相之後，匆匆走人，原來古太一早嚟接老公放工，將架車泊喺電視城門口，古明華應該係唔想太太久等，急急腳上車。點都好，一頭家一條心，有太太同囡囡嘅支持好重要。
古華明人生多波折曾連踩五十小時工作
其實古明華人生都經歷唔少難關，同為演藝學院畢業本來係舞蹈員嘅太太Terri，因遇上車禍不能再跳舞，從此一人擔起頭家嘅古明華，22歲囡囡古雪晴喺10歲時確診患有先天性腎小球炎症，為張羅醫藥費及擔起頭家，古佬拍劇配音乜都撈，試過連踩五十小時。難關難過關關過，相信冇嘢再難到佢㗎喇！
