「古惑仔」班底於內地開拍警匪片《熱血燃燒》鄭伊健繼續唔參與 古惑仔解體?

流行娛樂

廣告

「古惑仔」班底陳小春、謝天華、林曉峰北上發展順利,主持《大灣仔的夜》令內地人氣急升。最近再聚首一堂拍內地警匪電影《熱血燃燒》,展示兄弟熱血情,可惜仍未見鄭伊健身影。

鄭伊健
(圖片來源:《熱血燃燒》電影宣傳海報)

「古惑仔」班底拍內地警匪片 鄭伊健繼續唔參與

「古惑仔」班底陳小春、謝天華、林曉峰近年積極北上發展,拍完內地真人騷《披荊斬棘的哥哥》後,再以「大灣區哥哥」之名主持《大灣仔的夜》,內地知名度大增,而「古惑仔」主角鄭伊健亦不斷呼聲期望加入節目,可鄭伊健以疫情為由推job!後竟低調接拍台灣導演蘇文聖的懸疑推理劇《百萬人的推理》。近日「古惑仔」班底新戲宣傳,拍攝由錢國偉執導的動作警匪電影《熱血燃燒》,故事講述一班緝毒隊隊員,因一次失敗行動而分道揚鑣,後來緝破跨國毒梟,兄弟重聚並肩作戰,展示熱血兄弟情,已定於6月​上映,可「古惑仔」班底中仍未見鄭伊健參與,唔少觀眾有感可惜。

鄭伊健
(圖片來源:電影《古惑仔》截圖)
鄭伊健 「古惑仔」經過多年後變成「古惑佬」﹗
(圖片來源:FB@鄭伊健)
鄭伊健
(圖片來源:《大灣仔的夜》影片截圖)

網民:最後得返鄭伊健似返個人

唔少網民唔睇好呢班「古惑仔」班底的新戲,力撐鄭伊健推內地job:「角色原全冇變過」「大陸真係第一垃圾收容港」「已經感覺票房死梗」「成班老土怪又喺到呃飯食?」「好在伊健冇同呢堆垃圾大灣仔癲」「伊健清泉」「伊健真男人 同老婆享受生活」「真係高下立見」「戲裡戲外伊麵都係最醒嗰個」「做男人做到佢咁真係幸運,食過全盛時期嘅雙琪,一早就財自做鍾意嘅嘢,得閒出嚟拍下廣告搵下快錢,而家又有個興趣相投嘅靚老婆」「伊健:唔好阻住我打elden ring」「不枉我一直只撐EKIN」

鄭伊健 鄭伊健疫情期間同太太蒙嚞慧享受生活,近日低調抵台開工﹗
(圖片來源:FB@鄭伊健)

圖片來源:《熱血燃燒》電影宣傳海報, FB@鄭伊健, 《大灣仔的夜》影片截圖, 電影《古惑仔》截圖