網友:谷佢上台唱Live 古天樂殺入叱咤最佳男歌手十強

流行娛樂

廣告

來到年尾,又是頒發各大成績表的時候,而每年最令人感動的《2018年度叱咤樂壇流行榜頒獎典禮》就在昨日對外公布各提名名單,好讓樂迷投票,而其中以「我最喜愛的男歌手」最為有驚喜,皆除有一貫的歌手如張敬軒陳奕迅麥浚龍外,還有剛重返樂壇的古天樂

撰文:東方新地|圖片來源:IG、Facebook|編輯:異種火星人 (原文刊於東方新地

網友:谷佢上台唱Live 古天樂殺入叱咤最佳男歌手十強

古天樂角逐《叱咤》我最喜愛男歌手

有留意開樂壇頒獎禮的朋友都知道,「叱咤樂壇流行榜頒獎典禮」的「我最喜愛歌手」一向都係由樂迷投票選,然後到頒獎禮當日再加入現場觀眾票選,所以競爭甚為激烈,也頗能反映民意。根據電台公布的消息,古天樂暫時打入「我最喜愛的男歌手」十強位置,大家可唔可以見證古仔再踏上舞台、甚至奪獎?就要靠大家投票啦!

 

古天樂回歸樂壇 多得Juno

古天樂今年回歸樂壇,其實要多謝麥浚龍(Juno)!早前Juno早前執導電影《風林火山》時,跟古天樂成為了好朋友。而且古天樂亦被Juno的新碟意念打動,決定再開金口。古仔其中一首歌是和謝安琪合唱,名為《(一個男人)一個女人和浴室》,新歌將收錄在Juno推出的新碟內。現場觀眾表示古仔歌技有進步,唱腔非常柔情。

 

網民投票力谷古仔上台

如果古仔真係於叱咤成功奪得「我最喜愛的男歌手」,除非缺席頒獎禮,否則都必需在台上現場演繹作品,唔知會唔會有網民集體投票谷古仔上台?令人期待!

 

 

回顧古天樂八大經典金曲

古天樂活躍喺樂壇嘅時間雖然僅於2000年至2003年約三年,但都推出過《男朋友》、《今期流行》、《樂天》、《Mr. Cool》共>4張個人唱片,令大家記憶深刻嘅歌曲唔少㗎!雖則唱功就有很大進步空間嘅,但唔知點解真係聽開有舖癮!
 

〈今期流行〉

呢首近期又重新開始瘋傳嘅金曲當然要入選啦!同時呢首歌都係古仔嘅代表作,洗腦旋律加上容易上口嘅歌詞,難怪大家都識唱!

 

當年被肥姐恥笑嘅「拜神舞」,真係估唔到今時今日會再次紅到街知巷聞⋯⋯

 

「Keep住流行,流行椎名林樆」~依家連㗎妹都識唱啦!

 

〈男朋友〉

要小編揀,第二首一定係古天樂當年樂壇出道成名作〈男朋友〉,仲攞埋新城勁爆歌曲獎添!由伍樂城作曲,林夕填詞,其實首歌都真係幾得!就算依家都間唔中會喺Instagram見到有人會用啲歌詞嚟做Caption㗎⋯⋯

 

天命最高〉

呢首歌係古天樂喺TVB嘅代表劇作《尋秦記》嘅主題曲,亦係古仔少有嘅電視劇主題曲。無論係套劇定係首歌都係經典啊!

 

〈像我這一種男人〉

作曲黃尚偉,同樣係林夕填詞!

 

〈Mr. Cool〉

「主演Mr. Cool 我笑我不在乎」~~~ 可能係因為首歌由古仔演唱,真係好有型!

 

〈暗戀王〉

聽名可能大家唔知呢首係咩歌,但係一唱「自從峨嵋山上見到你,我好想飛鵝山上見翻你,會將我啲身家俾埋你,但你身份很神秘」,大家可能就會諗起古天樂喺電影《百年好合》入面為咗鄭秀文唱嘅歌!

 

 

月亮代表我的心

為咗電影《殺破狼‧貪狼》,古天樂開金口同內地藝人吳樾合唱《月亮代表我的心》,係電影嘅點題歌曲。重點係咩?係古天樂唱國語啊!!!

 

〈當年情〉

最後一首歌其實係最令小編觸動嘅歌!2016年時,古天樂同古巨基一齊重唱哥哥張國榮嘅金曲《當年情》,懷念哥哥60歲冥壽,感謝哥哥嘅提拔之情。原來「雙古」都係好朋友嚟㗎~

古仔唱得好有感情㗎!之前幫老友鄭秀文演唱會做嘉賓時,亦有喺現場演唱〈當年情〉,令唔少觀眾都想古仔可以真係喺紅館開演唱會啊!