《口罩小姐選舉》ERROR齊人亮相！阿Dee嬲到踢凳　網友：罷睇所有保錡參與嘅節目

撰文：Lmc ｜圖片來源：保錡＠IG、ViuTV、ERROR＠IG｜編輯：海月

ERROR四子成為每組隊長

節目將會以真人騷結合固有選美形式兩部份進行。佳麗們會分成四組，每組五人，ERROR四子成為每組隊長，透過不同項目及考驗，每回合每組淘汰一人，共三次淘汰，最後八人進入決賽，選出冠亞季軍。

保錡：希望找到適合做綜藝節目、講嘢好、夠放得開的人選

第一集節目ERROR出動進行街訪，ERROR發揮搞笑精神，帶着攝製隊即閃。保錡表示希望找到適合做綜藝節目、講嘢好、夠放得開的人選。193大讚戴口罩選美構思大膽創新，不過他就搞笑呼籲觀眾自律，觀看節目時不要透過社交網站偷睇佳麗容貌，因為佳麗脫下口罩時就沒有驚喜，而且網上P圖同真人有大分別，叫大家要小心！

ERROR四子各選五人加入自己的組別

40位佳麗進入四十強，再由ERROR選出二十強，眾口罩小姐使出混身解數，務求突圍而出，ERROR遇到心儀的佳麗時要鬥快舉牌搶人。有人更吹牧童笛作表演，十分騎呢，但勝在戴兩個口罩，相當有心，因此加了不少分數。

阿Dee嬲到踢凳 肥仔脫光上身幫忙完成表演

193大爆086貌似呀嫂，更中途突然舉牌搶人，殺阿Dee 一個措手不及。最後阿Dee大叫 : 「佢跟住我，可以更好㗎！」，最後更嬲到踢凳！另外，有中醫師佳麗邀請肥仔作示範拔罐，肥仔脫光上身幫忙完成表演，相當爆笑。

網友：罷睇所有有保錡嘅節目

保錡自被爆戀上沙律和爆粗鬧網友後，雖然他表示會暫別，但網友仍然不Buy，留言：「罷睇所有有保錡嘅節目。」、「點解仲有保錡架？」和「唔想睇吳保錡，但想睇女同Error 3子，佢哋綜藝感好正。」未知保錡幾時先可以翻身呢？