【口罩小姐】「浩南」鄭伊琪落街市、霸氣斬雞謝票！粉絲聞風而至爭住去幫襯

Apr 24 2021

廣告

ViuTV口罩小姐冠軍「浩南」鄭伊琪，早前參選時曾跟193一齊去樂富街市拉票，更曾許下諾言勝出後會返去謝票！今次浩南果然有口齒，現身街市霸氣斬雞答謝大家支持！

撰文：東方新地 │ 圖片：ViuTV直播截圖│ 編輯：20│ 原文刊於：東方新地

口罩小姐 — 浩南重返當日拉票之地樂富街市，跟燒味店老闆雄哥學斬雞。

口罩小姐 — 浩南唔止斬雞，仲斬大嚿叉燒。

口罩小姐冠軍謝票活動

浩南鄭伊琪算是大熱勝出ViuTV的口罩小姐，參賽期間她與另一參賽者在193帶領下曾到樂富街市拉票，她希望以刀法同靚雞答謝一班街坊支持。

口罩小姐 — 在老闆指導下，浩南手起刀落，完全冇雞手鴨腳。

口罩小姐 — 直播期間，有好多網民支持畀心心，仲叫浩南小心切到手。

口罩小姐霸氣斬雞

第一次斬雞的浩南完全唔怕污糟彈到周身油，著住件雞仔圖案衫的她非常豪爽，一口氣就斬了三隻雞，隔住個Mon都Feel都個氣勢。

口罩小姐 — 由12點半斬到1點半，浩南都冇停過手。

口罩小姐 — 浩南斬完雞都唔使Sell，即時有支持者現身。

男粉絲趕去幫襯

浩南好落力斬雞的同時，原來現場已擠滿支持她的群眾，當中大部分都是男粉絲，浩南快手斬完幾盒雞，已經有男粉絲爭住買。

口罩小姐 — 多位男粉絲不停與正在斬雞的浩南自拍。

口罩小姐 — 買到浩南斬的雞，男粉絲幾開心。

口罩小姐 — 燒味店這日生意大增，浩南叫老闆收佢為徒，得閒落場客串。

口罩小姐 — 當日浩南與老闆娘曾前往樂富街市搵燒味店老闆雄哥拉票。

口罩小姐 — 口罩下的浩南，有亮麗的外表。

口罩小姐 — 浩南鄭伊琪性格豪爽，甚有觀眾緣。

同場加映

現時超人氣嘅MIRROR成員姜濤，可謂集萬千寵愛在一身，而嚟緊4月30日就係佢22歲生日！一班姜糖為博男神一笑，早已準備好五花八門的生日禮物，今年唔止有印上姜濤靚仔樣嘅電車賀壽，最估唔到就係有人「送地」！

姜濤22歲生日榮升地主！富貴「姜糖」為博男神一笑、送地+六位數字電車賀壽

關鍵詞

口罩小姐浩車鄭伊琪 ViuTV