反黑路人甲, 朱敏瀚, 余思霆, TVB

《反黑路人甲》朱敏瀚爆肌演陸秋獲好評 華姐女友余思霆三點式濕身贈慶|頭號粉絲

流行娛樂

廣告

反黑路人甲》上周一正式播出,由於劇情搞笑幽默,短短十集就已吸引到不少觀眾收看,當中飾演金牌打手「陸秋」的朱敏瀚,外型既COOL又不時騷肌,從而人氣急升,作為女友的華姐冠軍余思霆,看到男友成功彈起,再加上疫情期間工作減少,令她在Youtube上開設個人頻道「思家霆園」,自學拍片及剪片,最新一條更是著上三點式玩滑水的片段,實行來個濕身誘惑,賀男友上位。

 

撰文:東方新地、圖片:東方新地/余思霆IG/Youtube頻道:思家霆園

《反黑路人甲》朱敏瀚爆肌演陸秋成功上位

27歲的朱敏瀚早前在劇劇《機場特警》中,演爆肌型警,一洗以往孱仔形象,經常大晒Man爆身形,演出備受觀眾關注。受監製青睞去年連拍四套劇,戲份愈來愈重,人氣、收入開始上揚,就算養埋拍拖兩年、工作量不多的嗲精女友華姐冠軍余思霆都不成問題!17歲中學畢業後,朱敏瀚投考無綫藝員訓練班入行,對演戲有好大憧憬,可惜被斯文瘦弱外形局限,每每只被派演主角年輕版及做主角細佬角色,發揮機會不多,更曾因體弱多病而試過失去角色。直至18年接拍劇集《機場特警》,朱敏瀚終於開竅,努力操肌洗走孱仔形象,拓闊戲路,真係多咗好多演出機會,好似喺《反黑路人甲》,佢已經升呢做男三,機會不斷,收入自然增加,近日就見到佢同女友華姐冠軍余思霆去商場歎咖啡,近期劇接劇變忙人的朱敏瀚,即使約女友拍拖亦行色匆匆,只揀去連鎖快餐式咖啡店歇腳,短聚一個鐘便離開。

 

朱敏瀚在《反黑路人甲》同張振朗對打相當搶眼。
朱敏瀚在《反黑路人甲》同張振朗對打相當搶眼。
反黑路人甲 朱敏瀚操出六𠸖腹肌,更露深溝,同班女星露事業線一樣咁醒神。
朱敏瀚操出六舊腹肌,更露深溝,同班女星露事業線一樣咁醒神。

 

反黑路人甲 近日在新劇《機場特警》演特警組隊員的朱敏瀚,爆肌演出獲好評,原來他為演該劇,秘密狂操兼曬燈,練出六嚿腹肌即轉運。
在劇集《機場特警》演特警組隊員的朱敏瀚,爆肌演出獲好評,原來他為演該劇,秘密狂操兼曬燈,練出六嚿腹肌即轉運。
反黑路人甲 劇接劇變忙人的朱敏瀚,早前即使約女友余思霆拍拖亦行色匆匆,只揀去連鎖快餐式咖啡店歇腳,短聚一個鐘便離開。
劇接劇變忙人的朱敏瀚,早前即使約女友余思霆拍拖亦行色匆匆,只揀去連鎖快餐式咖啡店歇腳,短聚一個鐘便離開。

 

余思霆冇工開公仔麵當一餐

無綫御用細佬朱敏瀚在新劇《反黑路人甲》演打手,拍住王浩信同張振朗不時大騷凹凸有致的肌肉,成功上位,不過另一半星途卻未見起色,前華姐台妹女友余思霆直言因疫情關係令工作量大減,為了生活要慳住使,連食都要慳,一個杯麵、即食麵就一餐,捱得幾耐得幾耐。演藝道路未見有起色,余思霆為生計及為保住人氣,唯有靠自己開拓Youtube頻道「思家霆園」,自拍剪片後期製作一腳踢,希望另覓一條財路,不過反應一般,而27歲男友朱敏瀚在熱播劇《反黑路人甲》cool爆做職業打手,一出場便騷肌打拳,同張振朗對打一幕更相當出位,人氣急升,更成功洗脫過去乖乖仔形象,朱敏瀚在其社交網密密貼相騷爆肌相,女友余思霆次次回心心眼。戥男友事業有起色而高興,余思霆更在其社交網貼出滑水片段,她著上三點式玩滑水贈慶,向來身材惹火的余思霆著上三點式滑水,動作之大令網民擔心她的三點式走位而走光,不過余思霆為了吸like更不惜大派福利,突然拎住水樽淋濕心口,意態撩人,食住男友近來上位之勢,余思霆亦得益,點擊率亦同告倍增,雖然在電視台工作量少之有少,不過同男友互相露肉,竟有相得益彰作用,有個索女友,朱敏瀚亦唔介意女友騷吓quali啦﹗

 

男友朱敏瀚爆肌演《反黑》上位 26歲余思霆剝衫濕身贈慶

 

反黑路人甲 著住三點式的余思霆玩滑水,動作大,網民都擔心佢會走光。
著住三點式的余思霆玩滑水,動作大,網民都擔心佢會走光。
反黑路人甲 成功上水的余思霆玩得好淡定。
成功上水的余思霆玩得好淡定。
反黑路人甲 有無綫嗲精之稱的余思霆,臨上岸都要擺甫士話自己係美人魚。
有無綫嗲精之稱的余思霆,臨上岸都要擺甫士話自己係美人魚。
反黑路人甲 不停騷胸擺甫士,台妹果然特喇辣。
不停騷胸擺甫士,台妹果然特喇辣。
反黑路人甲 滑滑吓水教練同佢玩新意思,畀咗支水余思霆飲住水滑水。
滑滑吓水教練同佢玩新意思,畀咗支水余思霆飲住水滑水。
反黑路人甲 成功邊滑水邊飲水。
成功邊滑水邊飲水。
反黑路人甲 余思霆怕大家唔夠喉,加插淋水落心口,耶,透心涼啊。
余思霆怕大家唔夠喉,加插淋水落心口,耶,透心涼啊。
反黑路人甲 連沖身同大家分享,令網民無限FF。
連沖身同大家分享,令網民無限FF。

 

陪遊主題樂園 余思霆餵飽男友

早前疫情緩和,第三波未殺到之時,余思霆偕圈中好友簡淑兒、陳婉衡等到主題樂園一天遊,男友朱敏瀚唔介意一個男丁陪住四條女,負責做攝影師拍片又影相兼做埋苦力,余思霆公開大讚男友有風度,又晒甜蜜餵食,而被餵飽的朱敏瀚話:「我一定會食晒唔會食剩,因為媽咪話食剩第時老婆塊臉會有粒粒﹗」余思霆嬌嗲答:「都唔知點答你﹗」大量恩愛,甜死人﹗

男友朱敏瀚爆肌演《反黑》上位 26歲余思霆剝衫濕身贈慶

二人低調拍拖保前途

18年被揭同嗲精華姐余思霆拍《好日子》撻著,當時余思霆仍與天堂鳥成員 Tyrese交往,Brian亦有拍拖幾年的女友,更被指各背另一半偷食,由死口唔認到公開戀情,轉眼拍拖兩年,兩人愛得依然甜蜜,不過轉變的是,捱出頭的朱敏瀚,終於事業超前女友,不用再被指女尊男卑。


反黑路人甲 行上商場咖啡店期間,朱敏瀚一直掛住講電話,幸好身旁女友余思霆冇詐型,還不時情深望實男友。
行上商場咖啡店期間,朱敏瀚一直掛住講電話,幸好身旁女友余思霆冇詐型,還不時情深望實男友。
反黑路人甲 兩人拍拖冇避忌,余思霆全程繑住男友朱敏瀚行。
兩人拍拖冇避忌,余思霆全程繑住男友朱敏瀚行。
反黑路人甲 買咖啡期間,兩人貼住竊竊私語,余思霆更加大發嗲功笑個不停。
買咖啡期間,兩人貼住竊竊私語,余思霆更加大發嗲功笑個不停。

據知情者透露:「之前爆出四角關係立立亂,公司都有捉佢兩個去照肺,雖然依家感情穩定,仲一齊同居,但話晒事業啱啱上位,Brian唔想阻礙前途,同女友有共識將感情低調,而且 Brian好大男人,佢希望自己可以賺錢養起女友,所以都定咗呢兩年會努力做嘢,事業行先!」

反黑路人甲 兩人揀了個望街景開揚位置坐低,不過顧住傾電話的朱敏瀚,同女友余思霆冇兩句,余思霆惟有玩手機打發時間。
兩人揀了個望街景開揚位置坐低,不過顧住傾電話的朱敏瀚,同女友余思霆冇兩句,余思霆惟有玩手機打發時間。
反黑路人甲 傾住電話飲啡約一個鐘,朱敏瀚冇乜時間與女友談情,更傾完電話即撇,好彩行去攞車期間,都仲陪女友傾吓偈。
傾住電話飲啡約一個鐘,朱敏瀚冇乜時間與女友談情,更傾完電話即撇,好彩行去攞車期間,都仲陪女友傾吓偈。

事業爆忙的朱敏瀚,早前亦爭取時間約女友見面,做埋柴可夫載同女友到銅鑼灣歎啡,不過短短一個鐘,他大部份時間掛住傾電話,不過女友余思霆就毫不介意,冧仔功力十足,排隊買飲品時不停對住男友甜笑,之後更加體貼叫男友先搵座位坐低,由她獨個兒等攞飲品,男友講電話亦不會打擾,自己坐埋一邊玩手機打發時間,性格一凹一凸果然好夾!

反黑路人甲 朱敏瀚做柴可夫駕車載同女友離開,在車廂內忽然好多嘢講。
朱敏瀚做柴可夫駕車載同女友離開,在車廂內忽然好多嘢講。

女友愛露肉 IG狂晒泳衣照

26歲的余思霆,17年當選華姐至今冇乜作品令人有深刻印象,最出位反而是經常愛晒身材做武器,在她個人社交網內便有不少泳衣照。

25歲嗲精余思霆愛露肉 華姐冠軍與朱敏瀚低調拍拖保前途

圖片:東方新地/余思霆IG/Youtube頻道:思家霆園

常見問題

農曆新年有什麼好去處及必買必食優惠推介?

農曆新年必定要和朋友、家人及另一半觀賞電影消閒一番,今年香港有4大超強卡士賀歲電影,一齊笑住過新年!視覺滿足完後,味覺都需要被滿足,為你整合新年盆菜外賣直送年糕優惠推介2023。如果想親自出馬,我們更為你準備了蘿蔔糕3大食譜黃金糕食譜,內藏黃金比例竅門,絕對必看!值得注意的是滙豐、中銀、渣打銀行可換新銀紙,即看:換新鈔及迎新鈔預約連結

2023上半年度演唱會多鑼鑼,有咩搶飛攻略?

隨著疫情過去,有不少歌手宣布舉辦演唱會,例如:陳奕迅演唱會「放寬位」購票連結周杰倫演唱會Twins演唱會鄭秀文演唱會Clockenflap梁詠琪演唱會鄭欣宜演唱會!為你整合了香港演唱會一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

YOU MAY ALSO LIKE ...