Facebook出現反威威潮 黑粉狂改圖 建華打手出面阻止？！
廣告
爆紅荃灣豬肉分割員威威劉宋威因紅遍師奶界狂接廣告job，fb一早開晒粉絲應援團。不過近日人紅是非多，瘋狂爆出勁多黑材料，除咗爆出做傳銷之外，又被爆出係俾建華打手捧紅，威威更因為咁哽咽拍片哭訴澄清，勢要挽留師奶的心。不過似乎就唔多見效，近日fb仲開始出現黑粉，成立咗一個「除罩威威留餸區」的fb群組，不斷轉發威威的負面資訊，又有gp友爆出建華威威豬因此要「吹雞打你」的警告？！
出現反威威潮 成立「除罩威威留餸區」黑粉群組
「除罩威威留餸區」現時已經過千人follow，入面除咗大量威威改圖之外，仲有唔少威威的負面評論，該群組管理員仲強調「呢度係擺明反威佬嘅，撐佢嘅唔該死返去佢個打手豬欄，一句到尾，撐佢嘅post一律會delete」真係明顯係威威的黑粉！
威威唔話得？即被建華pr警告會受到攻擊！
近日有群友於「除罩威威留餸區」開post指自己黑威威後竟然被一名網民警告會受到攻擊？該群友即將該網民早前出過既post搵出，發現疑似係建華pr或是建華打手之一，早前不斷幫威威同埋建華集團做宣傳。不過該名網民都有留言解釋，佢只係講笑，似乎唔係真係要攻擊該群友。後來被群友追問「pr好忙」時，該網民完全無否認，仲話自己少少忙，表示「佢都唔想，都想做少啲嘢」，似乎幫威威搞宣傳都係一件苦差？
群內威威改圖：
荃灣豬肉佬威威近期的狀況是?
被譽為「荃灣豬肉AK」的威威劉宋威，自除罩拍廣告後人氣急跌，消失多日的他再次回歸肉檔，早前有指為了避花生友同傳媒而進入室內工作，不過近日疑似再去返「幕前」，一張月頭被捕獲的照片可見，威威一改以往的灰白髮色，改以金髮示人，江湖味十分之濃。…詳情請看
荃灣豬肉佬威威的Fan Page還有運作嗎?
一早就有網民發現「豬肉威威」一向活躍的粉絲群組「荃灣鮮肉威威應援團」對上一個post已經是…詳情請看
圖片來源：fb＠除罩威威留餸區
