劉馬車由歌手再轉型做畫家？！網民分析：真心唔差但內容好邪惡

劉馬車轉型做埋畫家 網民：真心唔差 有個人特色

劉馬車保釋外出後搞作多多，除咗不斷唱歌之外，又同劉月平示愛，仲話要比幸福鄧月平！昨日26日，劉馬車又po出多幅畫作，似乎想轉型做埋畫家。劉馬車的畫作中有不同類型，如素描、自畫像、卡通以及漫畫等，唔少網民都驚呼劉馬車除咗行錯路之外，其實都算多才多藝「 劉馬車原來係畫畫天才」「估唔到佢畫啲畫有幾有故事性，唯一最大嘅問題係成個故事，佢都自我為中心以為自己係superstar」「有病真係聰明啲」「唱歌又ok、畫畫又ok」仲話劉馬車畫功贏咗唔少而家網絡畫家「啲色彩配搭又幾好 線條又清晰 睇得幾舒服」「用色都好好，家陣啲畫夠核鬼突，咪照賣錢出product」「又畫得幾好，我淨係識畫火柴人」「自問自己畫得差過佢好多」「原來海賊王係抄佢」不過都有網民認為麻麻地「似我中學嗰陣啲畫功」「希望佢喺監倉練多啲」「真心唔差 有個人特色」「如果你坐多陣，後面幾張係咪可以上埋色」

網民分析畫作內容：其實都好魔鬼

唔少網民都有試圖去分析劉馬車的畫作，認為畫畫好反映到一個人的內心世界「睇得出劉馬車真係好自戀」「連畫啲公仔個樣都係白卡樣，留意吓啲公仔對眼，其實都好魔鬼，反映曬佢嘅內心」「張張啲人嘅眼都帶住邪惡」

大家又點睇？