劉馬車收到頭號偶像打氣羅力威望帶眼識人：呢樣嘢唔好做！

Feb 15 2023

今年1月放監後再度係YouTube復出嘅劉馬車，日前再有新搞作就係無選手布亂入渣馬，成功引起話題。眾所周知「劉馬車」亦是歌手羅力威嘅頭號粉絲，二人更曾公開合唱，又係房間貼滿對方嘅海報。琴晚劉馬車係IG就po出偶像羅力威係IG為自己打氣嘅訊息，搞到劉馬車好感動！

今年1月放監後再度係YouTube復出嘅劉馬車，係羅力威頭號粉絲（圖片來源：IG@carriagelau0415）

2009年劉馬車第一次見到偶像羅力威！（圖片來源：IG@carriagelau0415）

羅力威希望劉馬車帶眼識人：「觸犯法例嘅事唔好做」

羅力威係訊息中以「威哥哥」自居，先係多謝劉馬車嘅支持，表示知道對方一直有關注自己嘅音樂，「聽著你在演繹我的歌時，亦令我回憶起自己以往的音樂路，充滿感動。」佢仲話真心為劉馬車好，更寄語對方無論從事邊個行業，「尤其係娛樂圈發展的話，要自己好好判斷哪一些為你好，哪一些機會是能夠幫你，不要被人利用，也不利用人。」最後「威哥哥」更為劉馬車打氣，「觸犯法例嘅事唔好做，要正正當當去全力做，流過汗、流過淚、自己滿意，這才是男子漢，要學識好好保護自己未來才可以保護身邊嘅人。」

羅力威係訊息以「威哥哥」自居，坦言每次見到劉馬車演繹自己嘅歌，就會諗起多年來嘅音樂路（圖片來源：IG@adasonlo）

羅力威希望劉馬車帶眼識人，唔好俾人利用亦唔好利用人！（圖片來源：IG@carriagelau0415）

「威哥哥」為劉馬車打氣，希望對方要學識好好保護自己，未來先可以保護身邊嘅人。（圖片來源：IG@carriagelau0415）

對偶像同雨僑感到愧疚劉馬車：「我的初心從來無變」

適逢琴日情人節「威哥哥」宣布再度榮升做爸爸，劉馬車睇完訊息都有感而發，出po多謝尊敬的「威哥哥」係自己生命中出現，「你的音樂陪伴著我成長，轉眼蔥蔥十四載，你已出了數張專輯，你已是兩個孩子的父親，我卻甚麼都還不是，一事無成，甚至一路以來受盡嘲熱諷、攻擊侮辱。」劉馬車坦言對「威哥哥」同雨僑姐姐感到愧疚，「我真的好想你知道，我的初心從來無變，我仍然是當年的那個軒仔，雖然很多son沙都轉向喜歡了其他歌手了，但我仍然一直都很喜歡你。」