死性不改劉馬車提堂衰3項控罪 人格分裂指自己係「天水圍陽光少年」？！
劉馬車再衰3項控罪提堂
劉馬車突然於2星期前無再更新社交平台，早前被知情人士爆料疑似再衰咸濕被捕。5月18日司法機構網站的法庭日誌所顯示的審訊案件表中，劉駿軒（劉馬車真名）早上喺屯門裁判法院提堂，被控3項猥褻侵犯Indecent assault，據知原來喺4月底於天水圍輕薄女子，先於26日天水圍港鐵站出手，再喺同日月台再出手，繼而喺28日一間咖啡店再再出手！案件押後至7月13日再訊。
劉馬車曾蒲頭回應網民仲道歉
2星期無再更新社交平台的劉馬車，原來曾係1星期前蒲頭，喺最新的post中回應網民，話自己係「我係天水圍陽光少年劉馬車」趁另外一個唔好的劉馬車坐緊時同全香港的網民同埋俾佢傷害過的少女道歉，希望大家唔好再喺現實同佢有任何交流，仲話「我唔想再比呢一隻惡魔走出黎害人」呢番說話令網民質疑佢係咪有人格分裂的問題出現。
網民：死性不改劉馬車
劉馬車曾在曾在中國深圳區疑似「攪女仔」而被當區拘捕，並將其收監入獄。而事隔數年，劉馬車終於在今年1月出冊，並揚言要洗心革面做人。更希望自己能夠成為歌手，不斷在IG以及YouTube發放「原創歌曲」。對於馬車的歌聲，唔少人都稱佢為「唱得之人」，認為如果不走歪路，或有機會有一番成就。「狗改不了吃x」「今次係咪30歲先出返嚟?」「估唔到咁快又令人失望」「成日x人唔比機會佢，比左機會佢就即刻為害社會」「未夠半年又入返去」
劉馬車出嚟之後再次瘋狂媾女
而劉馬車出嚟之後YouTube以及IG上似乎都再次重回以前的佢，不時都上傳自己如何媾女的影片，去到邊個地方就媾到邊，其片風與未入獄前的他十分相似。而熟識他的人都知道他一直深愛一名叫做「小微」的女生，近日又不斷拍片重提往事，更作歌再向對方示愛。
劉馬車為甚麼會在大陸被捕坐監？
劉馬車於2016年9月在大陸因犯下猥褻罪和猥褻兒童罪，被深圳市福田區人民法院判處有期徒刑2年6個月。之後劉馬車出獄後拍片表示自己會「洗水革面」做個有用的人，不料…詳情請看
劉馬車強勢回歸後有甚麼新搞作？
經過了3年，劉馬車預計將於2023年1月出獄，有網民就十分期待劉馬車出獄後能夠同Kenny嚟個跨世紀大合作。加上劉馬車歌聲了得，有指他將會參加新一屆《造星》…詳情請看
