培生擂台︳劉馬車直播大鬧鍾培生、霍哥！自爆只有4位數拳酬

培生擂台︳劉馬車直播逐個鬧：霍哥最虛偽

劉馬車昨日（24日）直播講到明要爆大鑊，怒批鍾培生！劉馬車一開始已形容鍾培生為「好X度縮的有錢人」，仲講到自己已經唔想打，不過應承咗唔會反口咁解，所以會盡力打好個拳賽。有網民問到劉馬車做咩咁嬲鍾生，劉馬車就表示佢提議邀請羅力威上嚟同佢合唱，多啲嘢睇，投訴鍾培生只係識打拳，唔識搞呢啲show。網民又問到劉馬車最想同邊個對打，劉馬車表示環掂都打，緊係同最勁的人打－甄子丹。再問到前微辣成員霍哥時，劉馬車大鬧霍哥叫佢收x，為了「10雞嘢」做到狗咁樣，仲成日笑佢同周永恆、龍心，狠批佢最虛偽，係偽君子。

培生擂台︳霍哥回應：好心同佢講咗2句嘢

對於劉馬車的狠批，霍哥都有回應，指佢只係喺直播善意地同佢講咗2句嘢。霍哥仲騷出劉馬車dm佢的內容，劉馬車提出想同霍哥合作，又問佢邊日得閒，話要同霍哥結婚，仲問佢結婚邊度搞婚禮好！霍哥而家都唔知點搞好了～

培生擂台︳劉馬車大爆打拳酬勞只有4位數

劉馬車講講吓，有網民指霍哥其實係收30萬時，劉馬車表示好驚訝「唔係呀嗎」，似乎真係完全唔知情，仲話以佢所知應該只有10萬。劉馬車仲大爆原來自己得4位數酬勞，自己都表示講起都笑大人個口，知道而家個個都有30萬時，龍心都有十幾萬，自己勁激氣，覺得比人當咗傻仔，仲明言「就傻俾你睇」！

培生擂台︳網民：第一日識有錢佬咩

唔少網民表示劉馬車真係俾人水咗「簽左合約先怨? 第一日識有錢佬咩」「得4位數都走去打」「霍哥30萬我信，大J都20啦，霍哥30唔出奇，龍心都係5-10萬合理，話哂特登英國返黎 水腳費都要呢個價，劉馬車一開始有人爆6000，可能都真」「得幾千仲簽約，湯藥費都唔夠比」「白卡本身就唔會有合約精神去操拳，比幾千買個人肉沙包差唔多價啦。」「癲起上嚟會唔會打鍾生」「作仔都有一球，馬車6000都應承邊有依家黎怨」「六千都比多啦」「你係值咁多」「淆底唔想打咋」「照道理所有既contract都應該係有保密協議」「好慘 龍心又係白卡高佢咁多」不過都有網民對劉馬車指自己只有4位數拳酬表示質疑，更表示入場買飛啲錢佢仲得分成，不過劉馬車喺直播有表示過入場賣飛的錢好似唔關佢事「入唔入場都唔關佢事，但會多謝你」

培生擂台︳劉馬車被霍哥打到要入醫院？

劉馬車直播鬧完霍哥後，10月27日劉馬車再出post，指自己同霍哥嚟個熱身賽，俾霍哥打到要入醫院！

馬車俾霍哥打到毀容，要入醫院了，呢鋪真係死過鹹魚臭過蟹，霍哥，我嬲死你呀！

霍哥回應：唔明個傻佬喊乜

霍哥對於劉馬車的控訴，霍哥表示都唔知佢做乜！

「打sparring打到周身瘀爆晒嘴流血就梗架啦，唔明個傻佬喊啲乜嘢」