劉馬車準備踏入「Phase 3」 YouTube公開多謝囡囡網民：妹妹仔要小心！

Feb 24 2023

劉馬車早前踩場ViuTV，大爆花姐要佢扮傻扮癲先可以入選《造星5》，而當時他都表示自己唔會再好似以前咁發癲，而係會好好面對人生。不過有網民就認為「真正」劉馬車返緊嚟，而且即將踏入「第三階段」，即又準備要入返去…

劉馬車準備踏入「Phase 3」 YouTube公開多謝囡囡網民：妹妹仔要小心！

劉馬車自出獄以來，便開始出現在蘭桂坊的酒吧中，並表現自己的歌唱實力。而早前有網民分析過劉馬車分別有3大階段，首個階段是正常版劉馬車，並反省自己所做過的錯事，第2個階段則是開始怪責身邊的事物都是錯誤，網民指由渣馬事件及《造星》事件就能引證，而最後一個階段則是再次「大師兄歸位」發癲，並再次踏上舊路。

「大師兄」再歸位！

而繼ViuTV事件後，馬車都自稱「大師兄歸位」，而自己昨日疑似飲醉之後拍片，嘲諷自己實力唔掂，又指「多謝花姐令我睇清呢個世界」，而且仲自摑數巴。不過事隔唔夠幾個鐘，唔知係咪因為酒醒的關係，突然又正常人上身並公開多謝一名囡囡。

獲囡囡鼓勵重返正軌？

他在影片中提及該位囡囡透過IG DM的形式去鼓勵自己，仲大讚對方「人仔細細已經識咁多哲學道理」。最後更「道理大師」上身，轟花姐「好嘔心」，並且叫一眾在電腦面前的連登仔「出嚟睇吓個世界」，「追尋吓夢想」。

劉馬車返到屋企又正常返 — 返到屋企又正常返（圖片來源：YouTube@劉馬車）

馬車重回Phase 3

之後再出一條片「跌落凡間的天使～欣寶🧚‍♀️破地獄，將墮天地獄獸～劉馬車🧟‍♂️拉番上仙間」，指對方給予無限鼓勵，並Po出兩人的合照。有見及此，有唔少網民認為馬車又再次返到去當時「溝女」的妝態，同樣在YouTube不斷出片公開對女性示愛，網民都認為馬車已經再次返到去「第3階段」，並叫各位00後的妹妹仔要小心。