劉馬車涉再再再衰咸濕女童被拘捕 1周前拍片講搵到工

劉馬車再被拘捕 消息指5名13-16歲女童報案

劉馬車昨日（2日）又再被警方拘捕，消息指警方於2023年12月至今年1月期間，分別接獲5名年齡介乎13至16歲的女童報案，指分別在天水圍及屯門區懷疑被一名男子非禮，合共涉及6宗案件，該名男子其後逃去。警員經深入調查後，今日（1月2日）早上約9時在天水圍區拘捕一名27歲姓劉本地男子，涉嫌「非禮」。被捕男子現正被扣留調查。據了解，被捕人為本名劉駿軒的網絡紅人「劉馬車」。

劉馬車犯罪手法全公開！會扮問路

據調查所得，劉馬車犯罪地點通常都係天水圍區，而佢犯案手法多數以扮問路、扮跌嘢等手法接近受害人，再用手摸受害人的小腿或大腿後立即逃離現場，由於有受害人影到疑犯背影，再翻查閉路電視後鎖定疑犯。

一周前劉馬車仲話想做普通人 儲夠錢將會離開香港

而在1周前，劉馬車於IG拍片表示找到了一間餐廳工作，並寫道：「會努力踏實工作，重新出發！」片中他也提及想過返啲安寧日子，做一個普通人，因此目前是在做兩份工作，一份是餐廳一份是在朋友的公司幫手，「好多嘢都受夠啦，希望你哋香港人唔好騷擾我、煩我，重新一次我冇拎過綜緩。」最後劉馬車直言等香港所有事情完結，再儲了一筆錢，就會離開香港重新出發。

不過網民就照樣鬧爆，「請你嗰間餐廳應該好快執笠」、「做咩普通人呀 你做戀童色魔好過啦」、「細路女係無辜㗎　馬車唔好非禮女童」、「邊個會同你組織家庭」。