劉馬車宣布參加《全民造星V》！自爆：Phoebus係我舊同學

劉馬車有意備戰參加《全民造星V》 大爆：P1X3L Phoebus係我舊同學！

劉馬車在YouTube頻密地上傳影片，有影片提及自己希望社會各界能給予工作機會，並留下自己的電話號碼，他指出雖然受到不少網民的來電騷擾以及WhatsApp辱罵，但他都相信總會有好人出現。而他終於因為動人的歌聲令其有機會在蘭桂坊的一間酒吧中表演，仲話有唔少人鼓勵佢振作，叫馬車都繼續唱歌。

大爆自己同Phoebus係中同

之後劉馬車又在影片中提及，自己落老蘭並唔係為媾女，而係為唱歌，仲希望有更多觀眾可以去聽佢唱歌，他亦指很想自己能夠逆轉人生。馬車在影片中都提及：「我有諗過如果遲啲可以參加《全民造星V》又得唔得呢？雖然我知道呢個情況，ViuTV可能連海選都唔俾我過，呢啲都明白嘅。」馬車在影片中都提及自己同男子團體P1X3L的Phoebus吳啟洋是中學同學，直言：「人哋依家係一個偶像派歌手，可以搵好多錢嘅一個年青有為靚仔。」，「而我呢？覺得好唏噓！覺得自己唔應該係咁囉。」，講到劉馬車都相當感觸。

狂Po唱歌片獲大讚

劉馬車都在YouTube上Po出唔少自己唱歌的片段，其歌聲都引來一眾網民關注，仲大讚馬車的唱腔十分有料，如果好好訓練的確會是一個不錯的歌手。其實劉馬車以前到依家都一樣唱得，其在歌唱上的確有天賦異能，以前仲同過偶像羅力威一齊合唱！

仲有新原創歌：《我不介意你被別的男人睡》

超多Fans追隨劉馬車

冇諗過嘅係，的確有酒吧同Club有邀請劉馬車作為表演嘉賓，而他都會自己在IG上宣傳一番。劉馬車短短回港數日，已經在個人IG上收獲1.6萬的追蹤者，仲開埋自己個TG Group去邀請Fans加入傾計。早前在尖沙咀海旁舉行的「粉絲見面會」，亦有不少Fans追隨他，一時在海旁做成話題。

當年同羅力威合唱！