劉江親剖離巢原因 冇好對手似帶小朋友做戲!(有片)

流行娛樂

廣告

76歲的劉江三年前與無綫鬧翻離巢,結束38年賓主關係,早前他在港台節目《一起走過的歲月》中重提離開無綫的原因除不滿薪酬被減,還有欠缺好對手,就好似帶住小朋友做戲。,而且仲鬧爆無綫「飛紙仔」風氣唔健康!

劉江 劉江與呂珊一起上港台節目《一起走過的歲月》做嘉賓。
劉江與呂珊一起上港台節目《一起走過的歲月》做嘉賓。(圖片來源:《一起走過的歲月》@YouTube截圖)

劉江呻拍劇欠缺好對手

劉江是公認的實力派演員,1970年代出道,曾經效力佳藝電視、麗的電視,直至1982年轉投無綫,拍過大量劇集,成為觀眾喜愛的前輩演員之一,不過2020年離開無綫後,劉江在幕前的演出少之又少,今次上港台節目《一起走過的歲月》,重提離巢一事,劉江被主持劉紹鴻問及是否在無綫沒有好對手,他笑說:「係!冇錯,真嘅…唉,如果要講呢…會得罪好多人,唔好講喇!大家都喺呢度搵食㗎嘛,好戲嗰啲未必擺埋一齊,所以我撞親都係嗰啲…吓?哈哈哈,即係我帶住一班小朋友去做戲,OK?就係咁簡單。」

劉江 劉江直認離開無綫是因為沒有好對手。
劉江直認離開無綫是因為沒有好對手。(圖片來源:YouTube@《一起走過的歲月》@YouTube截圖)
劉江 劉江唔想帶住班小朋友去演戲。
劉江唔想帶住班小朋友去演戲。(圖片來源:《一起走過的歲月》@YouTube截圖)

笑言想「打冧無綫」好多年

劉江被指向來愛發牢騷,不過從來是對事不對人,劉江自爆由佳視撈到去麗的,一直都想「打冧無綫」,楊紹鴻笑指:「你喺無綫咁耐,無綫冇冧喎,係你冧先喎!」劉江回應:「做咁鬼耐,佢真係好硬淨,最後我自己走!」劉江不諱言決定離開無綫,除了因為薪酬被減,做到意興闌珊好心淡。

劉江 劉江表示曾效力多間電視台,目標都是想擊敗無綫。
劉江表示曾效力多間電視台,目標都是想擊敗無綫。(圖片來源:《一起走過的歲月》@YouTube截圖)
劉江 劉江笑言無綫好硬淨,直到佢離巢都未冧。
劉江笑言無綫好硬淨,直到佢離巢都未冧。(圖片來源:《一起走過的歲月》@YouTube截圖)

投訴劇本一般 監製係老千

劉紹鴻指劉江不再拍劇是這一行的損失,劉江聽罷說:「其實我唔係話唔做呀!老實我有大鋪癮,問題係有人搵你先得㗎!有冇好角色搵他先得㗎?」不過劉江就話好多監製都係老千,經常落足嘴頭搵他拍劇:「好難講,喺嗰個電視台嘅劇本好一般,我哋拍時每日都要諗點樣可以做好嗰場戲,其實係好難,我盡咗力出嚟都只係ok啦!我唔係咁,我係想部戲好睇,觀眾叫好繼續追落去。呢啲激情係冇…開工就感覺到意興闌珊。」

劉江 劉江直言無綫劇本質素只是一般。
劉江直言無綫劇本質素只是一般。(圖片來源:《一起走過的歲月》@YouTube截圖)
劉江 最後做到心淡。
最後做到心淡。(圖片來源:《一起走過的歲月》@YouTube截圖)

極不滿現場「飛紙仔」

至於拍無綫劇出晒名成日「飛紙仔」,劉江直言這風氣好唔健康,大講親身經歷:「有一次,我等外景出發,等等等,最後飛咗紙仔嚟,我一睇,呢啲對白已經講過…監製同我講『你唔好搵個放大鏡去睇至得㗎,呢張紙仔係某某飛畀你,係有名編劇,你仲想點樣?』」另一次仲離譜,劉江飾演失明和尚,劇本內有經文,他即時上網研究發音,點知PA突然對他說:「唔好意思,嗰啲經文唔啱,你係唸心經。」劉江嬲到震說:「咁我點呀?修哥(胡楓)話唔緊要,搵人寫大字報,我話我盲㗎喎,合埋眼,我點望呀?」雖然對無綫有多番不滿,不過劉江強調自己仍未退休,有好劇本一定會重出江湖。

劉江 縱橫演藝圈近半個世紀,劉江直斥拍劇「飛紙仔」唔健康。
縱橫演藝圈近半個世紀,劉江直斥拍劇「飛紙仔」唔健康。(圖片來源:《一起走過的歲月》@YouTube截圖)
劉江 劉江重提演盲眼和尚要睇大字報一事,呂珊笑到彎晒腰。
劉江重提演盲眼和尚要睇大字報一事,呂珊笑到彎晒腰。(圖片來源:《一起走過的歲月》@YouTube截圖)
劉江 劉江表示遇到好的劇本,酬勞可以收少啲。
劉江表示遇到好的劇本,酬勞可以收少啲。(圖片來源:《一起走過的歲月》@YouTube截圖)

曾在《金宵大廈2》驚喜現身

劉江於2020年1月14日與TVB合約屆滿,當時他指與無綫續約談不攏「底線被觸及」。過了幾個月後,他就為ViuTV拍攝鄭中基主演的《暖男爸爸》。2021年4月,劉江被王祖藍邀請回無綫電視擔任《好聲好戲》評判之一,再度亮相,當時劉江曾向傳媒表明,只會參與無綫的綜藝節目,暫時不會參與無綫的劇集拍攝。《金宵大廈2》是2020年9月至11月期間拍攝的劇集,相信已離巢的劉江是畀面劇集監製以及「金宵」系列而破例現身。

劉江 金宵大廈2
有指劉江破例現身《金宵大廈2》全因畀面監製。(圖片來源:《金宵大廈2》截圖)

劉江離巢時一度傳與TVB鬧翻

當年所謂的「底線被觸及」,曾經可以在劉江對傳媒訪問時的回覆而聽出不少弦外之音,包括對頒獎禮的潛規則。當年劉江在《金宵大廈》飾演的林老師(林若思)是《萬千星輝頒獎典禮2019》中奪獎呼聲最高的人選,可惜最後卻敗予《愛·回家之開心速遞》中飾演金城安的周嘉洛。劉江在TVB打滾38年沒拿過一個獎項,當晚頒獎禮結束後,劉江對自己爭「最佳男配角」形容為「嘥氣」、「心知肚明」,對自己離巢更指「唔好問點解,我唔可以話點解。」。

劉江 金宵大廈2
陳山聰出po氹番劉江。(圖片來源:IG@joelshanchung)
劉江 劉江在劇集《拳王》中一個表情被網民截圖,惡搞成「講呢啲」成為潮語經典。
劉江在劇集《拳王》中一個表情被網民截圖,惡搞成「講呢啲」成為潮語經典。(圖片來源:無綫影片截圖)
劉江 劉江離巢後獲邀擔任《好聲好戲》的評判,當時他表示只此一次,唔係想回巢拍劇。
劉江離巢後獲邀擔任《好聲好戲》的評判,當時他表示只此一次,唔係想回巢拍劇。(圖片來源:無綫影片截圖)

撰文:東方新地圖片來源:YouTube@《一起走過的歲月》截圖資料或影片來源:原文刊於東方新地