全民造星4｜96位入圍參賽者童年照率先曝光當預告網友：出bb相友台真係跟唔到！

Aug 29 2021

《全民造星4》今年以「組女團」為目標，上月中進行初次面試時，本月初再進行第三次面選，當時花姐在接受媒體訪問時就表示：「今屆質素好差，跌咗落個陷阱。」雖然如此，ViuTV日前就在其官方社交網上一口氣貼出96位入圍者的童年照來作為預告，現就同大家一齊看看吧！

撰文：八卦妹｜圖片來源：ViuTV Facebook

《全民造星4》參加者有很多熟悉面孔余潔滢、利君牙、火雞姐等均有到場參加面試

今屆主打「組全能女團」除有素人報名參加外，還有一些已出道、知名KOL、甚至是現役藝人的親友，當中包括余香凝的妹妹余潔滢、前100毛主播陳柏寧（利君牙）、曾參加《口罩小姐》的倪安慈、曾參加《廣告女王》的劉展翹、歐陽巧瑩妹妹歐陽巧霖、參演《黑市》、《YOLO的練習曲》、《G殺》等演員戴月、193的妹妹郭嘉盈（Michelle）、阿Dee的女友文芊、曾與姜濤傳出緋聞的Candy，「神徒」可柔，曾參過《造星3》的Christine等等。

雖然Christine外貌和身形都相當出眾，但在《全民造星3》中卻曾被花姐鬧係一個「花瓶」。（圖片來源：Christine IG）

《全民造星4》收近4千封表格今公開面試 193細妹、利君牙、余潔瀅均有參賽火雞姐比賽成癮？！（不斷更新）

《全民造星4》第三輪面試花姐狠批：質素好差

《全民造星4》在本月初已進行第三次面試，大會要求一眾的參賽者要素顏上陣，有在場的記者看到如193的細妹郭嘉盈（Michelle）、「神徒」可柔等熟悉的面孔到場面試；而隨後，記者看到花姐時，即時大問她對於參賽者有何評價，向來直言的花姐聽後即時表示：「今次的質素好差，大部份人技巧唔得！啱啱仲係入面（面試房間）先講話死啦，今次個節目好似跌咗落個陷阱度，係咪要改返做男女會好啲！」隨後花姐再指，由於她今次不是以經理人的身份去參與，所以只是構思如何做好節目，其他的事情就交由其他人去想；對於面試要素顏試陣，花姐就指想要參賽者將最真實的一面放出來。

《全民造星4》第三輪面試選99強參加者素顏上陣花姐狠批：質素好差！暖男阿哥193為阿妹諗定後路！

《全民造星4》96位入圍參賽者BB相率先曝光當預告

日前（27/8）ViuTV在官方FACEBOOK上一口氣貼出96位入圍參賽者的童年照作為預告，當中不乏可愛、得意、鬼馬等相片，而每張相片更分別寫上她們首次演出的情況。

可愛的童年照

細細個3定4歲個陣，媽媽同親戚落酒吧玩！然後點歌唱梁靜茹既勇氣！！！！！（圖片來源：ViuTV）

係細個嘅時候，係屋企人面前表演郭富城嘅”唱這歌”一路唱一路跳舞。因為細個同哥哥好鐘意佢，會係屋企揸住支咪周圍走🤣（圖片來源：ViuTV）

兩歲嗰陣，企喺風扇前面攞住個搖控好深情款款咁扮李慧敏唱歌比嗲哋媽咪聽，啲頭髮吹下吹下！（圖片來源：ViuTV）

幼稚園畢業禮舞蹈表演第一次跳舞做主角表演日入左醫院出席唔到畢業禮最後在醫院跳隻歌叫 butterfly（圖片來源：ViuTV）

幼稚園時，在學校學了刷牙歌，晚上刷牙時，一邊刷牙一邊對家人大聲唱刷牙歌。（圖片來源：ViuTV）

幼稚園的時候，在自己的生日派對上老師叫我表演唱歌，但我不記得歌詞，然後唱到一半就大哭。（圖片來源：ViuTV）

幼稚園出show表演跳‘毛巾操’ 。身穿黑色小背心同粉色迷彩熱褲嘅我第一次被化妝set頭，一頭黑色勁punk短髮被噴上大量hair spray，酷似一粒充滿閃粉嘅海膽。(眼見個個女同學個頭都紮曬辮仔咁勁靚，我諗嘅係點解我媽咪唔俾我留長頭髮….)（圖片來源：ViuTV）

幼稚園才藝表演好想表演嘅我舉手自薦彈鋼琴仲即場叫左個同學伴舞但其實我少少都唔識彈亂咁嚟彈左一陣同學仔被逼freestyle足咁耐到而家我都唔知我邊度黎嘅自信去表演彈琴（圖片來源：ViuTV）

小時候通常一有親戚來食飯，我爸就會叫我表演。在6歲時，第一次在親戚面前拉奏小提琴，學了不久只會一首曲，所以緊接著唱一首《我是個茶壺》，一邊唱一邊做動作。最後再用生疏的上海話說了一段故事，令他們十分開心。（圖片來源：ViuTV）

人生第一個表演係喺屋企同媽咪跳印度舞, 因為媽咪同婆婆一樣中意唱歌跳舞, 所以細個就係同媽咪去重慶大厦買啲印度無VCD同衫喺屋企跳。細個爹啲工作好忙, 嗰時係夜晚媽咪收工後我地就會喺屋企咁跳。媽咪係事業型女性，但好叻同時兼顧家庭，所以經常性都係同媽咪或者中意舞台既2家姐相處。（圖片來源：ViuTV）

5歲呀媽逼我表演溜冰，溜吾夠2秒就跌低，然後重複左10次，我覺得自己吾係表演緊溜冰，係表演緊跌低（圖片來源：ViuTV）

6歲時，在家中從衣櫃頂跳到雙人床上，演唱會式登台，演唱《下一站天后》（圖片來源：ViuTV）

6、7歲既時候同表姐妹一齊扮還珠格格同埋披住張棉被扮香港小姐啊妹被逼扮爾泰同埋容嬤嬤（圖片來源：ViuTV）

5歲時，在工人姐姐面前扮演《睡公主》中的王子，手持一枝筷子由沙發跳下來扮斬荊棘和龍（圖片來源：Viutv）

識企未識行路時，電視播住陳慧琳嘅時候扶住茶几跟住一齊(亂)跳舞～（圖片來源：Viutv）

5,6歲時與表姊妹在姨媽家中創作及演出《羅宋湯》，不過已忘記自己是湯中哪種材料。（圖片來源：Viutv）

3歲第一次入選合唱團，喺評判面前唱咗一首Mary Had A Little Lamb（圖片來源：ViuTV）

具才華的童年照

好細個嗰陣，披住張被、揸住支不求人、頭頂住本書，就喺屋企繞場一周比屋企人睇，覺得自己係選美冠軍……（圖片來源：ViuTV）

四歲時，第一次和親戚去大陸旅行，在旅遊巴上，導遊話表演有獎品，我毫不猶豫舉手，即席高歌一曲新年歌《迎春花》（圖片來源：ViuTV）

4歲對住姑媽們同老豆唱日文pokemon主題曲，一個日文都唔識然後自己亂作係度跳唱，諗住班大人唔會發現，然後完左feel到佢地唔想拆穿我😂（圖片來源：Viutv）

4歲左右，跟細我一年的弟弟。在家扮演〈西遊記〉中的孫悟空和豬八戒，玩得興起。我意外甩胶😂因爲係我唔想做八戒，扭計造成（圖片來源：ViuTV）

3歲時，第一次於上海的三姨媽家模仿維密天使行catwalk（圖片來源：ViuTV）

3歲時，在叔叔婚禮的after party衝上台要所有賓客看我唱歌跳舞（圖片來源：ViuTV）

搞笑的童年照

童年時沒有表演慾，父母及家人都未曾表示過十分支持我以往的表演 😳（圖片來源：ViuTV）

喺屋企唱ABC歌俾屋企人聽，唔識跳舞所以得踏步同拍手，又甩beat…(有片!!)（圖片來源：ViuTV）

細個被呀媽迫係屋企扮香港小姐競選拎冠軍個一幕，重點係呀媽已準備齊背景音樂,后冠,同個權杖（圖片來源：ViuTV）

第一個係幼稚園同成班同學仔一齊跳中國舞，細個表演既感覺好純粹，成班同學一齊跳，練幾耐都覺得好好玩。（圖片來源：ViuTV）

第一次表演係小學校慶，對住全校師生同家長表演拉小提琴，演奏校歌（圖片來源：ViuTV）

記得5歲嘅時候著咗阿媽對高踭鞋拎住佢個袋好得戚咁話約咗男朋友食飯今晚唔返唔洗等我門。阿媽話我細細個好鍾意扮鬼扮馬（圖片來源：ViuTV）

係屋企廁所好肉緊唱My heart will go on 比屋企人全程拍低左（圖片來源：ViuTV）

我淨係記得第一次表演係2010年5月21係紅磡高山劇場？表演粵劇媽咪有黎睇（圖片來源：ViuTV）

我記得係小學嘅一個比賽，記得有一幕係我喺後台，第一次感受到心跳加速嘅緊張感，同埋好想做好個表演嗰種迫切感。之後成班friend一齊拉住大家隻手互相打氣。同埋最後一幕，跳完舞岳高頭，望返上來見到好多白光照住我，就快睇唔到野。淨係聽到觀眾拍手聲嗰陣時，唔知點解莫名好感動，同埋感受到自己團火。🤍（圖片來源：ViuTV）

我記得我人生第一個表演係小學既唱歌考試中唱一首指定歌曲要喺老師同埋全班同學面前唱我係緊張到喊咗出嚟都拖延左一段時間到最尾都克服左完整咁唱咗出嚟嗰刻嘅感覺係唔知點解呢件咁容易嘅事好似好嚴重好難過到呢一關咁可能真係唔夠自信表現自己但內心係認同自己鐘意同有能力唱歌當我唱完之後老師同同學都有讚我唔錯啊～嗰刻我鬆咗口氣發覺原來唔使諗得咁複雜只要我勇敢地去嘗試唔好太介意人哋點睇盡力去做係會有人欣賞～（圖片來源：ViuTV）

同堂細妹自己係房到自己排完舞後，一齊去廳到跳俾新戚睇。首歌係江若琳嘅Show you（圖片來源：ViuTV）

由識行識企開始，每日都會對住個電視代入角色，同啲卡通人物講嘢。會排好晒屋企啲公仔，對住佢哋唱小丸子主題曲，同Barney既I love you歌 (˶‾᷄ ⁻̫ ‾᷅˵)（圖片來源：ViuTV）

幼稚園校慶時，我在台上「跳唱」《我是個茶壺》，經常唱完第一句就忘記歌詞，亦因為咬字不準確而被媽媽笑我唱了「我屎溝茶壺肥又矮」。雖然我現在還是矮，但至少不胖，咬字亦進步了，希望再次表演會像女團而不是茶壺～（圖片來源：ViuTV）

四五歲時表演過一個兒童舞蹈，故事係貓捉老鼠、老鼠媽媽保護老鼠bb嘅舞蹈。男同學做貓，女同學做老鼠。我生得比較高，所以我做老鼠媽媽，而細粒啲嘅女同學就做老鼠bb。（圖片來源：ViuTV）

小學嘅時候,經常在屋企開個人演唱會,將成屋嘅燈熄左佢,開住幾枝電筒扮舞台燈光,一邊唱歌一邊跳舞,用中秋節嘅螢光棒,掛喺耳邊扮掛耳mic,再強迫媽媽同屋企兩隻貓做我觀眾（圖片來源：ViuTV）

小學個陣christmas party，膽粗粗想表演，但竟然臨門怯場，結果成首歌三分幾鐘淨係開頭企係到「yeah…～」咗一聲，就等音樂完-.-一完坐返埋位，即扮無嘢食魚蛋，至今仍是深刻的童年陰影。（圖片來源：ViuTV）

小學日日放學返到屋企，都自己跳唱《全身暑假》同《隆重登場》（圖片來源：ViuTV）

小學上普通話堂嘅時候，老師咁啱揀中我，要係全班面前唱一首普通話歌。好細個已經追台劇，所以唱左《惡魔在身邊》，楊丞琳嘅「曖昧」。（圖片來源：ViuTV）

小四五個陣爸爸係我小學籃球教練，叫我出嚟表演上籃、傳波、插花，我無樣做得好，但佢堅持讚我（圖片來源：ViuTV）

大概4-5歲，係嫲嫲屋企唱《花心》only 副歌部份，唱完就交返枝咪俾爸爸。（圖片來源：ViuTV）

十一歲時，媽媽幫我拍片參加首個歌唱比賽，當時演唱《The Show》。（圖片來源：ViuTV）

人生第一次比賽，彩排的時候太緊張，忘記所有的動作，結果在台上扮肚子痛。😆（圖片來源：ViuTV）

7-8個月嘅時候，媽媽哼起歌，然後在公公、婆婆和媽媽面前freestyle跳舞。（圖片來源：ViuTV）

3歲時，係屋企唱陳奕迅嘅《不死傳說》，以為自己識唱成首歌，原來只係唱左每一句嘅最後一隻字。（圖片來源：ViuTV）

網友：出bb相友台真係跟唔到！

一眾網友看後不但引起好奇心，究竟長大後是女大十八變，抑或是崩壞了，同時亦紛紛大讚：「呢啲咪就係low budget high quality囉」、「好醒目，明知參加者好多都係網台KOL，實好多人認得，就用BB相呢招保留返神秘感」、「出bb相友台真係跟唔到」、「有好多都好可愛靚女，唔知長大咗仲係咪呢！」、「期待長大後對比圖！」