《全民造星3》陳康琪（Odi）跳唱一般兼態度極差 網友瘋狂狙擊：全世界欠咗佢咁！
《全民造星3》陳康琪（Odi）跳唱麻麻竟入圍 一眾參賽者嘩然
《全民造星3》自開播以來，無論是節目監製花姐（黃慧君）、導師彭秀慧及林二汶、評審Eric Kwok、卓韻芝、Joey Tang，甚至是參賽者都是網友的熱討話題，而上周四所播出的一集，女團Bingo成員之一的陳康琪（Odi）於節目中，出場表演跳唱，擁有42吋長腿的她，光是外表都已可以引起話題。
之不過，當她開聲唱歌跳舞後，實力強差人意，就連在幕後的花姐都忍不住大爆一句：「呢啲真係唔好留咁耐，有腿都唔掂！」陳康琪（Odi）表演完後，竟獲得兩盞藍燈，台前幕後以及一眾參賽者都大感嘩然，之不過幕後的二汶及彭秀慧卻沒有選擇她，花姐亦皺眉表示：「好難湊呀呢條女！」
陳康琪（Odi）在台上埋怨 疑似暗串另一位前BINGO成員
主持人強尼幕後兩位導師未有按燈搶人，就隨之發言，好讓導師可以繼續考慮，而陳康琪（Odi）聽到強尼的說話後就持咪埋怨：「因為呢，Bingo原本係5個人，講真，我同卡文係逗留得最耐，我哋兩個都好迷失，因為我哋唔知點解都好似要由頭重新來過所有嘢，但每當做到有少少成績，就會有人想走囉！」此番說話，疑似是暗串已入圍的前BINGO成員夏子涓，而同時畫面亦有影住夏子涓；但陳康琪（Odi）這番埋怨的說話，就引來強尼一句：「會唔會係因為你難夾？」她即回答指自己已有好多事情，都已經十分遷就，當她說完後，彭秀慧亦按掣把她列入其隊伍之內。
陳康琪（Odi）態度極差 令網友反感瘋狂狙擊：全世界欠咗佢咁！
當晚節目完結後，不少網友均分別在ViuTV的官方Facebook、討論區等留言鬧爆，指陳康琪（Odi）的態度極差：「好八婆，唔鐘意」、「都唔知有無搞錯，咩世界咁都入到圍」、「衰格、唱歌衰、跳舞衰」，甚至有網友直接在討論區上以「追擊odi」為題，可見網友有多不喜歡。
陳康琪（Odi）發長文回應
陳康琪（Odi）隨後亦有在個人社交網站上發文大講自己感受：「沉澱、抽離、觀察，不足的地方很多。但解釋亦無補於事，感恩尚有機會。那就從這裏出發，重建成為更好的表演者。#全民造星3」，而作為她的導師彭秀慧亦有在個人社交網上發出長文：「如果有啲人係天生有觀眾緣或者親和力，容易喺冇特別原因之下就得到觀眾歡心，咁呢個女子，絕對唔係呢一類。現實係殘酷嘅，即使佢有天賦嘅身形，（條腿真係好長呀～～），佢的確係不容易討好觀眾。睇埋佢Casting同Pre round 嘅表現，仲有佢嘅言談，只係得到「棘手」兩個字。節目出街，我知道好多觀眾都對佢有意見，雖然參加得比賽就預咗接受任何唔需要負責任嘅大衆反應，但係要承受所有說話一啲都唔容易，心理壓力可想而知。講番轉頭，既然評判覺得佢可以入圍，我選擇撳燈，其中一個原因係，作為一個有教學經驗嘅導師，我希望我可以改變佢一啲嘢，除咗表演技巧，仲有表達同思考。參加造星唔單只係藝人再發力嘅機會，因為有導師，所以亦係一個吸收同改變嘅旅程，無論每一個組員行到幾遠，我希望大家會袋走一啲嘢。呢個亦係點解我鍾意教學，享受教學，唔會放棄教學嘅原因。所以，雖然現實係殘酷，但係我哋只能夠面對現實，搵更好嘅方法行落去。俾個機會Odi，又俾個機會我，睇落去，睇下呢個女子可以同我行到幾遠。最緊要，一齊行。」
