《全民造星3》Manson所屬A3組落敗Dilys得3票被foul 全民嬲爆：B組根本勝之不武！
撰文：八卦妹｜圖片來源：ViuTV Facebook、《全民造星3》截圖｜影片來源：ViuTV
《全民造星3》Manson所屬A3組超班演出
《全民造星3》小組賽中，林二汶的A3組成員Manson、顧定軒、Buber、Travis及Dilys，是以藝術舞蹈結合唱歌和演戲來作為自選表演，由於不是大眾主流風險極高，但他們依然齊心向前，終獲得評判們的讚賞；反觀B1組的自選項目中，眾人先後失準，先有阿丁一開聲就走音，及後就到Timo在演唱Rap時忘詞「甩咀」，令一眾的評判都指他們整Team人都有種貌合神離的感覺，且整體表演都不好看
相關文章：
《全民造星3》Timo表現失準兼小氣令粉絲失望 網友：太自以為是，又咁小氣點做男人！
A3組以3:2賽果落敗 Dilys得3票被foul
最後的Dance Battle中，B1的成員基本都有穩紮的跳舞底子，而A3組卻是跳舞初哥，之不過A3組依然投入同努力，希望評判們可以見到；去到最後宣布賽果，五位評判以3藍2紅的賽果，宣布Manson所屬A3組落敗，而結果一出的同時，台前幕後不論是工作人員、導師，抑或參賽者都大感愕然，甚至Alton當著鏡頭面說：「《全民造星》真係唔會令人失望！你估唔到」暗示賽果出乎意料之外。
由於A3組落敗暗票機制啟動，Dilys得3票即被foul，Dilys流淚表示：「能夠參加同走到呢一步已經覺得好感恩，即係我覺得我有好多不足，同仲可以努力的地方，同時亦好多謝同組的組員。」導師林二汶亦有到台後與A3組成員見面，還鼓勵A3成員：「呢個對你地來講係打擊，對我都係，但留意返，評判係無否定大家第一個項目的表演，呢個表演係全個節目裡面最深刻，不可以用輸贏來判斷大家的努力有無白費，絕對唔可以，我唔容許。」當林二汶返回等候區時，都忍不住對鏡頭說：「你可唔可以話比我聽，點解好都輸呀？可能係唔係，呢個係我嘅學員？」
全民嬲爆：B組根本勝之不武！
有不少網友得悉賽果之後，都紛紛嬲爆，指B1組根本是勝之不武，節目製作組完全是「造馬」：「Timo嗰邊唱得好_難聽」、「B組勝之不武，賽後仲即場慶祝飲酒，好令人反感。」、「如果人態度唔得，贏幾多次都冇意思」、「改名全民造馬啦！啲評判都雙重標準嘅！」
圖片來源：ViuTV Facebook、《全民造星3》截圖｜影片來源：ViuTV
