【全民造星3】強尼 醒目執生獲封「真冠軍」！網民：「造星」永遠嘅MVP

【全民造星3】強尼 醒目執生獲封「真冠軍」！網民：「造星」永遠嘅MVP

《全民造星3》早前總決賽順利完結，十位參賽者出盡全力演出，同分嘅Ben、陳葦璇、ANSONBEAN各有所長，雖然最後都被強行分為冠、亞、季軍，不過「唔完美、但盡全力」嘅演出，就令佢哋成為網民最想睇嘅「星」，就算輸咗嘅Alina、CY等等嘅演出都有其精彩之處。

不過相反，雖然最終決賽評判陣容睇落相當強勁，包括毛舜筠、鄧麗欣（Stephy）、王苑之（Ivana）以及ViuTV製作部副總裁金廣誠，但因為總決賽是現場直播Live關係，加上所有評判對參賽者的評語幾乎有讚無彈，又缺少之前每集精心剪輯評判金句及抵死旁白，所以就算參賽者演出出色，不過因為評判關係，唔少網民都大叫「悶」、「差啲想轉台 / 熄機」。

網民更直言掛著「許廷鏗棚牙」及「鄭欣宜變咗倉鼠手」

不過，經已連續主持3屆《全民造星》的強尼，因為出色表現而獲網民一致讚賞。加上但ViuTV除咗舞台，喺編排及其他細節處理都相當一般，而Live節目不時都要換舞台道具、或者下個表演者未Ready之類嘅情況，每個演出之間嘅Break Time變化莫測。例如介紹50位《造星3》參賽者準備獻唱《前傳》時，鏡頭卻仍是對著強尼，導致出現Dead Air情況。不過「造星MVP」強尼就發揮「全尼之能」，一見勢色不對就執生問評判對《造星3》參賽者印象，而Stephy亦醒目「接波」，由《造星3》講到《男排女將》King（顧定軒）合力拖時間。事後唔少網民留言大讚強尼：「真正的冠軍應該係強尼，無論咩事都可執生」、「佢係執生之帝」、「人哋冠軍，全尼係總冠軍，邊有得比呀」。更有網民改圖，將星級評判評分表中加上強尼的頭照，直指佢獲99%係真正嘅《造星3》冠軍！

唔少觀眾表示投唔到票