內地電單車女神星野瑤來港 街頭被捕野生圖：按F進入坦克
廣告
抖音擁百萬粉絲，曾於日本留學的內地電單車女神星野瑤，除咗手車掂之外，外型都非常出眾！近日星野瑤竟然來港「鍊車」，唔少電單車迷當然想見女神一面，有粉絲就喺街頭捕獲女神，不過點知即見真章，仲狠批真係成部電單車咁！？
電單車女神星野瑤來港「鍊車」大讚香港霓虹燈好正
百萬粉絲，外型甜美可愛，行日系風的電單車女神星野瑤近日來港遊玩，拍咗多條正爆電單車片之外，佢於微博出post指香港令佢搵返喺日本留學的心情，覺得香港非常舒適，更大讚香港的霓虹招牌真係好正，保留咗10幾年前港產片的味道，令佢好似置身於電影中咁。星野瑤更分享喺香港揸電單車的心德，形容為交通狀況要「弱肉強食」先得，因為滿街都係叮叮，要以快為勝。
網民野生捕獲：坦克車網紅
唔少香港電單車粉絲都想見女神一面，而近日就有位網民成功捕獲女神真身！不過有唔少網民就表示唔多認得，仲話身形差好遠，簡直係「按F進入坦克」！「坦克車網紅」「伏到咁」「傳說中的肥過摩托車」「兩部摩托車」「呢個世代 男人真係好 日日被人呃」「唔怪得帶住full face都仲帶埋個口罩」「一唔p圖就出事」「咁都認到」「大隻到咁 果然人要惡過車」不過都有網民力撐仍然係咁甜美可人「明明人地又後生又靚女又可愛」「認到呀，成個糖妹咁」
一齊睇返女神靚相先：
圖片來源：weibo＠HARUKA星野瑤、ig＠hsn_haruka
