大陸劇《光淵》偷圖惹禍！BLACKPINK成員Rosé遭P圖慘變夜店小姐
廣告
正於展開世界巡迴演唱會嘅韓國人氣女子天團BLACKPINK，在世界各地都有海量粉絲，一舉一動都成為傳媒焦點。日前有報導指BLACKPINK將於YG娛樂完約，接下來嘅去向成疑，引起粉絲擔心。不過日前大陸劇集《光淵》播出最新一集嘅劇情，其中一幕就引起BLINK（BLACKPINK粉絲團名稱）不滿，究竟發生咩事？！
BLACKPINK成員Rosé慘變性工作者
話說改編自知名耽美小說《默讀》嘅劇集《光淵》最新一集講到男主角付辛博飾演的臥底「駱為昭」偽裝成客人到酒店詢問性招待服務，當酒店人員拎起電腦晒出「名單」時，有眼利嘅大陸網民見到有張相「小姐」好「面善」，原來係BLACKPINK成員Rosé嘅相片，並立即po到網上掀起怒批。在劇中「駱為昭」更指住張相嫌棄地表示，「這照片P得連媽都認不出來」。
「名單」上其他女仔圖疑似被盜用
由於時間引起大陸網民熱烈討論，所以最後《光淵》劇組迅速將該畫面刪除但似乎已無法挽回局勢，因爲網民見到「名單」上其他女仔都係被P圖，只係鏡頭帶點模糊所以未被認出。最嬲嘅當然係Rosé嘅粉絲，紛紛留言都要求劇組出面道歉，狠批完全唔尊重女性！
劇組美術團隊出聲明道歉！
事件到最後負責《光淵》嘅美術團隊終於發出道歉聲明，表示係團隊嘅疏忽不慎使用Rosé嘅相，並強調係日後嘅工作會更加嚴謹工作操守，避免同類事件再發生，感謝粉絲朋友監督指正，「該行為對Rosé朴彩英女士的形象和聲譽造成了不良的影響，我司在此向Rosé朴彩英女士、喜愛Rosé朴彩英女士的朋友以及製作公司、播放平台和觀眾進行鄭重道歉。」最後美術團隊表示正積極與Rosé所屬公司YG娛樂聯絡以表歉意。
圖片來源：IG@BLACKPINK、IG@roses_are_rosie微博@光淵微博@友誼已走到盡頭啦、微博@星綜屏影、
