【保錡風雲】ERROR成員與保錡不和有跡可尋？三子食飯冇約保錡

撰文：Lmc ｜圖片來源：ERROR@IG、193@IG、保錡@IG、ViuTV｜編輯：海月

193曾大呻ERROR之名局限發展

不少廣告商都很喜歡ERROR，四子在ViuTV也陸續有節目出街。不過成員193去年曾發長文，大呻ERROR之名局限發展，他留言提到：「ERROR局限咗好多嘢，人哋總會覺得我哋騎呢、巖巉、樣衰、搞笑、甚至無腦。喂！大佬我喺英國讀心理學㗎，但冇人會搵我去做正經節目……我知道ERROR成軍嘅時候就係ERROR。之後有排都見我唔到㗎啦，我手頭上嘅工作已經完成晒。失業中的193上。」之後他向傳媒解釋，指當時只是純粹呻吓。

保錡直言：我Unfollow咗193

對於193發文大呻，隊友保錡就立即表示：「我Unfollow咗佢。」雖然不知道是認真還是講笑，但此舉又疑似想向193劃清界線。成員肥仔梁業就為193打圓場，表示：「只係炒作伎倆，因為193出完Post就有兩個節目出街。」而193也解釋當時只是不開心，打出來抒發一下，個人會舒服好多，但之後會後悔。

三子食飯冇預保錡

保錡自從被爆與性感女神沙律拍拖向爆粗鬧網友後，負面聲音不絕。ERROR三子相約食飯打邊爐，但沒有保錡份。三子食長腳蟹食得津津有味似乎相當開心，阿Dee突然爆出一句：「好X肥美。」193馬上大叫不要爆粗，疑似暗寸保錡粗鬧網友。