保錡上熊仔頭節目獲激讚 網民睇完:睇完出奇地唔反感!

流行娛樂

廣告

ERROR成員保錡兩個月前推出新歌《猥瑣》,音樂造詣都獲得觀眾肯定。近日YouTuber熊仔頭的節目《熊館》就邀請了保錡做嘉賓,不少網民睇完訪問後都直言為保錡改觀,認為他個人十分真誠,亦知道他一路走來並不易!

保錡上熊仔頭節目獲激讚 網民睇完:睇完出奇地唔反感!

由細就發明星夢

保錡提及自己細個作文時就已經在「我的志願」中寫想做明星,到大個慢慢開始接觸娛樂圈,由「茄喱啡」慢慢做起,更參加過不少選秀節目,提及:「側田都得,我應該都得!」。當被熊仔頭問到點解會參加「英皇選秀」時,他又提及是受到陳偉霆影響,認為自己都可以成為另一個陳偉霆。

保錡 細細個就想做明星!
細細個就想做明星!(圖片來源:YouTube@FHProductionHK)
保錡
(圖片來源:YouTube@FHProductionHK)

轟政府場踢波要俾錢

在訪問中保錡又提到以前自己好鍾意踢波,而且當時踢波唔使Book場,話踢就踢。他諷刺政府現時的政策,指出使用政府的公共運動場需要用錢,更指要去旋轉指賣上面「買場紙」。熊仔頭其後問道:「我以為做咗明星之後講嘢要謹慎」,保錡回應:「我都謹慎啊啱啱。」,又指自己是講出事實。

保錡 轟政府政策!
轟政府政策!(圖片來源:YouTube@FHProductionHK)
保錡
(圖片來源:YouTube@FHProductionHK)

「銀包最表現到你係咪紅」

保錡坦言自己在呢一刻都未算紅,直言:「銀包最表現到你係咪紅」。指出自己還在努力階段中,仍然十分貼地居於大埔,出入都係靠巴士工具,連車牌都未考!還記得當時他去紅館做嘉賓時,都係搭地鐵去到紅磡,你都咪話唔貼地~

保錡 呢個好真實!
呢個好真實!(圖片來源:YouTube@FHProductionHK)

謙虛表現 節目搵命搏

在綜藝中有出色表現的他,都謙虛地表示自己十分落力於每個節目同表現,就算節目組玩幾大,自己都會搵命搏。當時拍《ERROR遊》食辣挑戰時的確出過事,他指自己食完後都全身發熱,雖然返酒店用凍水浸住去降溫。去到最後寄話:「睇緊節目嘅人,你哋唔鍾意我嘅人都冇乜所謂,但我都好想同你哋講,呢個地方係好難捱,所有人都係捱過嚟,我哋一定要突破佢!」。

保錡
(圖片來源:YouTube@FHProductionHK)
保錡
(圖片來源:YouTube@FHProductionHK)

網民激讚保錡言論

不少網民睇完熊仔頭節目中的保錡都對他激讚:睇完出奇地唔反感、POKI好X REAL、保錡起碼唔虛偽,夠貼地等等。不少人都對他改觀,認熊他的成功的確是一步一腳印捱回來!

新歌的確唔錯!

保錡小時候的志願是什麼?

保錡提及自己細個作文時就已經在「我的志願」中寫想做…詳情請看

網民對保錡言論有什麼看法?

不少網民睇完熊仔頭節目中的保錡都對他激讚:睇完出奇地唔反感…詳情請看

圖片來源:YouTube@FHProductionHK資料或影片來源:YouTube@FHProductionHK