余德丞YouTube劣食片仲未完 餐廳老闆狂出信 要俾愛余德丞！

余德丞拍劣食片事後老闆真係走去報警，用餐廳Facebook寫下：「剛從警署回舖，這次向三位youtuber起訴，從三方面，刑事詐騙調查，民事盗用塲地和招牌索償，並在高院作誹謗索償，下星期內應可發出第一張傳票。。。在香港何處可遇到有教養的人？今天可在深水埗警署遇到位，警長6258。。。。。我的自尊，來自自我反省，謙冲自牧，但對一些失實惡意的批評是不會聽，珍惜時間，光陰溜走如指間沙。」事後佢仲出咗一封公開信，內容要求余德丞道歉，指如果由當日6月10日到父親親為止收唔到余德丞的道歉就會控告余德丞，仲指如果余德丞親自嚟道歉就會教佢最近創作的「牛魔王街頭舞」，指呢隻舞係表達出人生的生老病死同酸甜苦辣…

事後，昨日（14日）老闆再有更新，名叫「第二封給余先生的公開信」，內容再次要求余德丞來道歉，強調自己係「痴心愛香港的人」仲寫咗2大叮嚀，第1個叮嚀強調道歉的態度，叫余德丞道歉要真誠，唔可以浮誇同造作，指如果大學生只有學歷無咗呢份修養，就唔係一位真正的大學生。第2個叮囑再強調如果余德丞親自嚟道歉除咗教佢最近創作的「牛魔王街頭舞」，同埋今次加碼送多一份厚禮，就係付上佢對林鄭的愛俾余德丞，仲問余德丞肯唔肯接受呢份愛！