余德丞擇偶條件倒模蔡思貝? 自爆被TVB女藝人主動追求

流行娛樂

廣告

余德丞離開無綫後為ViuTV拍節目,有家底與郭富城為鄰、有身材是前港隊泳隊,被指package好,近日在ViuTV《麻甩粉紅101》更連男士們都對佢好有興趣,緋聞女友係周秀娜、蔡思貝、麥明詩等。余德丞近日接受蝦頭(楊詩敏)、連詩雅的《絲打圍佬》訪問,談及揀偶條件,其中一樣被網民鬧到飛起!

余德丞向鄰居周秀娜借鼓油

余德丞在《絲打圍佬》中,被追問緋聞女友們的真正關係,當被問到周秀娜的關係時?余德丞就答係「朋友」,而蔡思貝是「兄弟」,被蝦頭寸:「有晒標準答案喎!」余德丞解釋娜姐係佢鄰居,連詩雅即驚訝:「鄰居都可以做埋朋友?我未試過!」蝦頭搭話:「有娜姐做我鄰居,我都去同佢做朋友啦!」余德丞笑指向鄰居周秀娜借鼓油而認識,及後解釋朋友唔係男就係女,跟異性食飯睇戲好平常,自認好多異性朋友,但不是男女朋友關係!

余德丞 問佢同周秀娜關係,余德丞答朋友!
問佢同周秀娜關係,余德丞答朋友!(圖片來源:YT@絲打圍佬截圖)
余德丞 當問到同散思貝關係,余德丞就答兄弟!連詩雅話唔信!
當問到同散思貝關係,余德丞就答兄弟!連詩雅話唔信!(圖片來源:YT@絲打圍佬截圖)
余德丞 余德丞曾被影到與周秀娜去歎日本菜斷正!當時余德丞表現驚喜不停搣手指,反而周秀娜反應淡定!
余德丞曾被影到與周秀娜去歎日本菜斷正!當時余德丞表現驚喜不停搣手指,反而周秀娜反應淡定!(圖片來源:新傳媒圖片庫)
余德丞 余德丞接送周秀娜!
余德丞接送周秀娜!(圖片來源:新傳媒圖片庫)

余德丞揀女:九龍區免問!

余德丞被問到擇偶條件,佢就答:「短頭髮、麻甩、鍾意食嘢、有時裝觸角」,之後又補充不能太瘦,又強調最唔鍾意「眼睛生得太開!」連詩雅即被觸動神經:「即係話我?我一定唔得!」余德丞就解畫:「你對眼唔算生得太開呀,係好似阿凡達嗰啲!」連詩雅即驚動話:「以前有網民惡搞我,將我變成阿凡達,我肯定你有睇到啲片同圖!」余德丞澄清不是針對連詩雅!

余德丞 余德丞講擇偶條件!
余德丞講擇偶條件!(圖片來源:YT@絲打圍佬截圖)
余德丞 余德丞同蔡思貝!
余德丞同蔡思貝!(圖片來源:新傳媒圖片庫)
余德丞 余德丞笑連詩雅似阿凡達?
余德丞笑連詩雅似阿凡達?(圖片來源:YT@絲打圍佬截圖)

網民:以為自己有寶咩!

余德丞又重申搵女朋友有地區性,「一定要住港島區!」被蝦頭笑佢:「佢唔想long D。」但余德丞好認真指唔可以九龍、新界區,不停重覆「港島區優先」。余德丞的地區性揀女條女被網民鬧爆,「我唔信娜姐搬去九龍塘,你唔車佢囉﹗」、「佢好似啲少爺仔,覺得住港島區高人一等」、「佢嫌人哋住九龍新界cheap啲咁。」、「香港區一頭一尾都遠啦,唔好講到去九龍區就遠到返鄉下咁先得㗎!」

余德丞 蝦頭借攞薯片摸余德丞手仔,余德丞極度嫌棄,解釋因為自己手汗多!
蝦頭借攞薯片摸余德丞手仔,余德丞極度嫌棄,解釋因為自己手汗多!(圖片來源:YT@絲打圍佬截圖)
余德丞 蝦頭欲伸手摸余德丞塊臉,余德丞立即縮開,被網民笑佢:有寶咩!
蝦頭欲伸手摸余德丞塊臉,余德丞立即縮開,被網民笑佢:有寶咩!(圖片來源:YT@絲打圍佬截圖)

余德丞自爆被TVB女藝人追求

余德丞講及擇偶外在條件,又指性格上「唔可以太痴身,成日問長問短,問完又唔信你,再不停問嗰啲,不如你畀個標準答案我去答,唔好係咁問!」連詩雅又問:「咁你鍾意唔鍾嗲或者姣嗰種?」余德丞答唔鍾意呢類女仔,「千祈唔好痴身痴勢,每個人都有自己私空間,如果有人坐近你,你都會自動退後一啲,你入侵咗我嘅空間,我會覺得唔自在,我唔鍾意太主動嘅女仔!」更自爆入行後,曾被一女藝人主動追求,「當然我唔會開名啦!約我出去食飯,太過主動,放工問可唔可以送車佢一程?你又唔係住港島區,點順路?(蝦頭問:咁送去將軍澳都得卦?)你知有城巴㗎可?(連詩雅:你咁樣拒絕人好決絕!)梗係無送,如果係幕後我唔介意送,幕前嘅,大家又唔係好熟,點解要送你啫?明明可以直路出香港,入一入將軍澳要五盞燈呀!凌晨兩點收工仲車埋你?」連詩雅大感驚訝:「都係十分鐘啫!」

余德丞
(圖片來源:新傳媒圖片庫)

網民鬧爆好膚淺!

余德丞自爆拒絕車九龍區女藝人後,即引起網上激烈討論,狠批佢無風度,「呢隻媽寶無咩內涵、智慧、歷練,又大男人死要臉,連煲湯都唔知要落水。本身日日聽口水,而家因為佢令我聽少咗好多。」、「一見佢數燈位。。係處女座啦」、「佢講緊啲條件根本係對住蔡思貝嚟講!」、「佢明明鍾意達哥,只係達哥後尾被胡鴻鈞搶咗!」、「其實一場同事,人哋女仔出到聲叫佢車一車佢,答應車人都唔代表畀咗假幻想既,係風度問題」、「其實咁少事睇到佢價值觀同個為人都好差,又無知又膚淺」

余德丞 余德丞話女朋友條件一定要住港島區!
余德丞話女朋友條件一定要住港島區!(圖片來源:YT@絲打圍佬截圖)

周秀娜近況如何?

「娜姐」周秀娜女人味比起以往來得更重,雖然比起當年「𡃁模年代」已經走行低調路線,只會在特定場合穿著得較為性感,但周秀娜現在卻…詳情請看

周秀娜上圍再「縮水」?

不過近年周秀娜身材疑似走樣。近日她趁著空閒時,捉緊夏天的尾巴去泳池放鬆一下,不過網民關注的當然唔係娜姐點戲水,而係娜姐的身材部分。新一輯的泳衣照上圍明顯…詳情請看

圖片來源:YT@絲打圍佬截圖、新傳媒圖片庫資料或影片來源:YT@絲打圍佬截圖