內地百萬網紅仲尼離世 妻子卡琳娜嚎哭緊捉遺體畫面瘋傳 網民：《消失的她》
廣告
內地500萬網紅「仲尼」（黃小灃 Johnny）突傳出死訊，於印尼峇里島遇溺身亡，同行烏克蘭妻子卡琳娜（Karina Melnychuk）獲救，生日慘變忌日。
仲尼同老婆卡琳娜同時溺水仲尼身亡
根據內媒報導，仲尼同老婆卡琳娜去印尼峇里島渡假，當時2人正於海上戲水，不幸遇到大浪，夫妻倆同時被大浪捲走，水流好急蛋將2人分開，卡琳娜及時被搶救嗆水昏迷，而仲尼一度失蹤，因為當晚太大浪直到第2日先搵返，仲尼搵返時已沒有呼吸，經調查後仲尼因被海上的木頭撞到而導致溺水身亡，而該區原來係危險區域，仲有標誌寫住「禁止在那裏游泳」，但佢哋無理會，當地酒店人員透露2人遇害嗰刻，卡琳娜救仲尼，但無奈佢自己都就嚟呼吸唔到，最後事件暫判斷為意外。仲尼離世當日仲要喺夫妻倆第一次相遇的地點，亦係仲尼34歲的生日。
網民難以置信 又嚟《消失的她》？
仲尼爆出死訊後，唔少網民都表示難以置信，甚至有網民湧入仲尼IG叫佢回應一吓「你們經歷了這段鬧劇好不容易可以平靜的生活了為什麼突然……你還好嗎如果沒事可以闢謠嗎」「真的是假的？老哥、你別噶、卡琳娜咋辦」「回應一下吧 希望這不是真的」「讓他離婚沒讓他離世啊」「RIP吧哥 下輩子別這麼渣了，當個好男人和好父親」亦有唔少網民認為事件事有蹺蹊，認為木頭剛好撞到仲尼呢個位太巧合，同最近上映電影《消失的她》不相伯仲「現實版之消失的他」「一會說抽筋一會兒說撞大木頭了是他撞木頭了還是誰還有大木頭撞他怎麼判斷」「都寫了禁止那個游泳為什麼還要那個遊」「海裡有木頭嗎？還這麼精準」「一切都好魔幻」
仲尼曾多次婚內出軌 卡琳娜因此差啲睇唔開
內地網紅仲尼同烏克蘭妻子卡琳娜參與內地相親節目認識，二人於2016年結婚並定居中國，育一女。仲尼去年曾被爆出婚內出軌，仲要唔止一次，當時上晒微博搜，仲尼仲要喺微博分享自己出軌的心得，卡琳娜仲因為咁差啲睇唔開，2人暫停工作一段時間。去到今年9月仲尼先同卡琳娜拍片坦承面對婚姻問題嘅過程。
圖片來源：《消失的她》、ig＠coser.karina、weibo影片截圖、ig＠johnniechill
