以神之名丨製作人曹聖鉉遭受恐怖威脅提心吊膽過生活 隨身帶定2樣嘢護身
廣告
Netflix紀錄片《以神之名：信仰的背叛》上週開播後，講述4個異端組織變態行徑，尤其係攝理教教主鄭明析最爲離譜兼變態，立即引起全球社會關注！日前紀錄片製作人曹聖鉉接受訪問，透露片中最爲變態嘅攝理教教主鄭明析，受害者講述所呈現嘅內容只係事實嘅10分之1，因爲真實事件遠比係片中播出嘅更變態，超乎外界想像！
製作人曹聖鉉受恐怖威脅 隨身帶電擊棒和警棍
曹聖鉉表示係拍攝前，自己同製作團隊足足花咗兩年時間去收集資料，加上考慮被害人狀態同減少對觀眾衝擊，所以最後紀錄片只係揭發鄭明析10分之1「變態事件」。而在拍攝紀錄片期間佢亦遭受恐怖威脅，多次收到被監視同跟蹤嘅訊息，令佢要提心吊膽過生活，每次返屋企都會特登兜一大個圈確保無被跟蹤，同時每日帶備電擊棒和警棍徬身，直言係入行15年第一次要隨身帶防身工具。
一度懷疑團隊中有「二五仔」
因爲拍攝紀錄片嘅兩年間，曹聖鉉收到教徒們各種恐怖跟蹤、威脅，明明所有拍攝行程都保密都滴水不漏，點解佢哋依舊會知道行蹤，一度壓力大到懷疑製作團隊中有「二五仔」，所以嘗試「放流料」測試，基本上全部工作人員都被懷疑過。
工作人員壓力過大病足一個禮拜
佢亦透露當時拍攝期間自己同製作團隊因爲內容太變態受到劇烈衝擊，所以足足病咗一個禮拜，先有辦法回到正常生活。
近日Netflix實行了什麼新政策？
首先，Netflix推出了新月費計劃，但卻引起了大眾網民的謾罵。之後，Netflix 再推出一項新的「個人帳户轉移」（Profile Transfer）功能，相信是為了打擊家庭共享帳號而舖路。
圖片來源：youtube@ MBC 라디오 시사、IG@Netflix、《以神之名：信仰的背叛》@Netflix截圖
