今際之國的闖關者2丨網民列3大負評 遊戲完全唔刺激！（含劇透）
說教味太重 網民：改名叫「說教之國」
雖然劇集係講闖關「玩遊戲」，但當然背後係想引人深入反思唔少對生命的體悟、人性的思考等。日本其實唔少同類型的故事，如《大逃殺》、《詐欺遊戲》等，呢類型的故仔都做得非常成功，自然為第一季就拎到唔錯的成績。可惜嚟到第二季，可能過於著重呢啲「反思」，而忽略咗觀眾同樣想睇的「殘酷遊戲」同「燒腦遊戲」，唔少觀眾都認為劇中角色的成長過程出現太多次，說教感太強。「集集都講半個鐘經，日式說教咪就係失敗既原因囉」「說教唔係問題，但啲道理好廢，唔見到令主角有成長同矛盾，完全無啟發性」「次次講道理就想飛，拿拿聲比我睇多幾個game好過」「真， 次次主角都要衰一鑊先得」「再唔係就全場無啦啦靜晒聽主角一條友講道理」「睇完第二季個主角仲係慌失失咁」
日本老毛病 節奏慢到要瞓著
日本劇集好多時都有同樣的問題，就係節奏太慢，早前大熱《first love初戀》都被批有同樣問題，不過話晒嗰套係愛情片，但呢套係講生存遊戲的劇集，節奏太慢會減少整體刺激感。
遊戲完全唔刺激 過份主角光環
網民質疑係咪第一季已經晒冷緊張刺激的遊戲，搞到第二季的遊戲完全唔刺激，而且溫和咗好多，bug位又太多，例如一開始的大逃殺，主角班人一槍都無被射中，去到對抗黑桃k時，每個人中超多槍都死唔去，完全係過份主角光環。
外國影評激讚 超越《魷魚遊戲》
唔少人都會拎韓國《魷魚遊戲》作為比較，香港網民認為《魷魚遊戲》較好，全因成功在於無說教，個個都為生存而去玩「遊戲」。而西方影評人就認為今季的《今際之國的闖關者》比《魷魚遊戲》更好，全因今次的遊戲設計原來係偏向西方驚悚恐怖片，最後結尾犧牲自己成全他人的自我救贖令人感觸。
近日Netflix實行了什麼新政策？
首先，Netflix推出了新月費計劃，但卻引起了大眾網民的謾罵。之後，Netflix 再推出一項新的「個人帳户轉移」（Profile Transfer）功能，相信是為了打擊家庭共享帳號而舖路。
