Jade Lam人妻KOL黑tee高價賣$350！網民指賣淘寶貨食水深

May 3 2023

Jade Lam丨近年唔少KOL、YouTuber除咗拍片之外，都會賣吓嘢或者推出自家產品等。人妻KOL Jade Lam係美妝YouTuber經常拍片分享佢扮靚心得，近日佢除咗拍片之外，仲有賣衫同埋賣首飾，點知就被網民喺討論區大鬧佢食水深之餘仲要係淘寶貨。

Jade Lam人妻KOL賣衫被指食水深全部淘寶有同款

人妻KOL Jade Lam昨日（3日）喺ig出限時動態賣衫，不過就被網民指佢食水深，事源指Jade Lam一件「普通黑tee」賣成hk＄300，仲要係特價，原價hk＄350。除此之外，網民仲搵到Jade Lam賣的所有衫褲都喺淘寶搵到同款，但賣貴一倍的價錢，並強調Jade Lam已經唔係第一次賣淘寶同款「已經唔係第一次，成日賣啲淘寶都有嘅款，但係mark up勁多，食水深到。八舊水一條牛仔褲，真係靚料靚質地嘅老實講就唔算好貴，但擺明佢嗰條都唔值$800啦。仲要咁多戇x妹豬幫襯佢，出個story唔夠兩個鐘又截單，真係受騙的那個比騙徒更混帳」「香港啲IG shop 唔使check 都知係淘寶貨啦」「大把水魚」「應該話淘寶都係入同一批貨，其實東大門質素同淘寶冇咩分」。不過有網民力撐Jade Lam認為所謂的「普通黑tee」係有標明係organic cotton，相對價錢係會貴啲，而且更指出除咗成本之外，仲有運費等「運輸要不要錢？人工要不要錢？店租要不要錢？」「一個養全家真係好吃力架」「明買明賣有咩問題？你唔走去x Hermes賣十幾萬一個手袋？」。

Jade Lam 網民不滿Jade Lam一件「普通黑tee」賣成hk＄300 — 網民不滿Jade Lam一件「普通黑tee」賣成hk＄300（圖片來源：IG@ jadelamm）

Jade Lam 牛仔褸hk＄498 — 牛仔褸hk＄498（圖片來源：IG@ jadelamm）

Jade Lam 牛仔褲hk＄780 — 牛仔褲hk＄780（圖片來源：IG@ jadelamm）

Jade Lam丨網民爆料首飾疑帶到敏感照賣俾人

Jade Lam曾經指自己賣的首飾係來自一間有名的廠商，網民質疑Jade Lam吹水「有冇可能人地珠寶公司會肯同你合作，佢乜backgroun」「幾厚面皮先打得出呢段字」仲有網民爆料Jade Lam賣的平價首飾，竟然自己帶到敏感都照賣俾人「前幾日有個story紅晒都照post，好似擺明話你知係會敏感，你買你嘅事」。