亞視台慶丨 陳啟泰嚟撐場但一姐亞儀冇份 李龍基自爆有「喜訊」!

流行娛樂

廣告

亞洲電視日前(6月6日)於大埔錄影廠舉行《亞洲電視66周年台慶》晚會,唔少熟悉嘅面孔都有現身撐場,包括前亞視藝人戲劇組「亞視一哥」陳庭威和主持界「亞視一哥」陳啟泰亦同場!不過有網友發現「亞視一姐」之稱的薛影儀(阿儀)竟冇被邀請!

亞視 台慶 亞視台慶今次冇掟壽包了!
亞視台慶今次冇掟壽包了!(圖片來源: 大會提供)

經理人林寶玉:亞視曾出聲明指阿儀同亞視無關

有關於台慶阿儀冇份出席,經理人林寶玉接受《東方新地》記者訪問回應此事:「琴日請咗亞視前主席賴彩雲,佢亦係依家亞洲心動娛樂嘅老闆。賴彩雲係亞視第二任債主,不過之前出過一篇聲明,話薛影儀同亞視無關,所以琴日點解冇去到台慶,就要問返亞視,我哋都唔清楚。」

亞視 台慶 「亞視一姐」之稱的薛影儀阿儀)竟冇被邀請去台慶!
「亞視一姐」之稱的薛影儀(阿儀)竟冇被邀請去台慶!(圖片來源:大會提供)
亞視 台慶 亞視 亞視前主席賴彩雲有份出席。
亞視前主席賴彩雲有份出席。(圖片來源:大會提供)

陳庭威激罕現身畀面撐場

久未露面的61歲陳庭威作為戲劇組「亞視一哥」,出席台慶相當感觸。談到近況笑言自己「年年十八歲」,保持狀態隨時工作:「大家身體健康、快樂就可以,呢幾年我喺大馬都有做生意。(感情呢?)啊…我仲係…自由身!你知以前係『地下情』,唔知邊個咩?咁約出嚟食飯見吓囉。」

亞視 台慶 亞視 61歲陳庭威仲好fit。
61歲陳庭威仲好fit。(圖片來源:大會提供)
亞視 台慶 亞視 陳庭威與除小明合照。
陳庭威與除小明合照。 (圖片來源:大會提供)

陳啟泰再為亞視拍節目

另外一位主持界「亞視一哥」,58歲的陳啟泰在2001年憑主持遊戲節目《百萬富翁》而為人熟悉,陳啟泰表示再為亞視拍節目感興奮:「頭先我見大堂好多人,我以為自己好熟路想行『秘道』,點知封咗搞到要行5層樓梯。」講到依家工作方面,佢透露:「我依家為亞視拍汽車節目,最好可以帶埋太太一齊拍,因為唔洗跟團招呼都好啲啦!今次節目都好似監製咁,因為我地呢啲老演員都會比好多意見嘅。」

亞視 台慶 陳啟泰表示再為亞視拍節目感興奮。
陳啟泰表示再為亞視拍節目感興奮。(圖片來源:大會提供)

徐小明宣布拍另類綜藝節目

亞洲電視行政總裁徐小明率領董事局及管理層會見傳媒,並舉行啟動禮,小明哥盼透過台慶活動令外界更了解亞視未來動向:「其實壓力都好大,因為大家都問有咩搞,其實我最主要目的就係激活亞視,因為一個電視台冇製作就好似虛殼咁,起初我地輕鬆啲,好似新聞、財經、玄學等等。今次『碌卡』叫咗好多朋友嚟幫手,今晚晚宴都爆晒人數,多謝大家對亞視嘅情懷支持。嚟緊亞視都會參與一個基金,我哋希望培養到人才,搵到啲好劇本。」

小明哥亦表示,現階段亞視將製作另類的綜藝節目,盼吸引更多觀眾點擊:「一個媒體機構有新聞,可以盡到社會嘅責任,今次加強咗新聞嘅力量,我們已經成立《亞視國際新聞台》,由我們的藝人陳美濤、吳玥肜、羅卿娗伙拍馬來西亞新聞團隊,為觀眾提供最新的資訊。」被點名讚賞的李芷菱、陳美濤、吳玥肜、羅卿娗受寵若驚,羅卿娗就話現主持新聞及旅遊節目,仲話想有新嘗試挑戰自己:「希望嚟緊會拍新劇集,可以成為未來嘅經典!依家做主持都會帶大家周圍玩、周圍食,希望大家都會留意。」

亞視 台慶 亞視 徐小明宣布拍另類綜藝節目。
徐小明宣布拍另類綜藝節目。(圖片來源:大會提供)

李龍基自爆年尾將有「喜訊」

當晚柳影虹 、李龍基為《亞洲電視66周年台慶》晚會擔任表演嘉賓,二人落力獻唱為節目增添氣氛,虹姐表示重回亞視感興奮,希望多製作節目令業界百花齊放:「我問小明哥係咪搵我做評判,佢話叫我唱歌!其實都想做評判,因為咁多年比人指指點點,都想評吓人地唱歌嘛。」而同場嘅李龍基就拒談女友用手袋裝錢一事,唔想比人誤會,但佢自爆年尾將有「喜訊」公佈:「我哋年尾就會結婚㗎喇,不過應該唔會大搞,總之兩個人開心就可以。」

亞視 台慶 亞視 未婚妻Chris亦有做跟得夫人,在基哥上台前幫手抹汗。
未婚妻Chris亦有做跟得夫人,在基哥上台前幫手抹汗。(圖片來源:大會提供)
亞視 台慶 亞視 李龍基自爆年尾將有「喜訊」
李龍基自爆年尾將有「喜訊」(圖片來源:大會提供)

薛影儀的首支個人單曲MV點擊率超高?

「亞視一姐」薛影儀(阿儀)日前推出首支個人單曲《一加一等於阿儀》,MV在上架數日已經破80萬的觀看次數,相當震撼。而當中歌詞「Baby Baby Baby Honey Honey Honey」洗腦程度相當高,幾乎全城都識唱…詳情請看

薛影儀在MV中所戴的勞力士市值15萬?

由照片可見,相信該錶是Submariner的綠圈錶款,亦是外界常稱為「綠水鬼」的長青錶款。而該手錶在Rolex當中一直都是熱賣款式,對比另一隻「綠綠」錶面的Submariner,呢隻「綠水鬼」目前炒價坐落於14萬至15萬左右…詳情請看

撰文:東方新地圖片來源:大會提供資料或影片來源:原文刊於東方新地