《亞洲超星團》65名選手全公開 9名香港代表一位超齡 網民：海報p圖太勁
亞洲超星團︳港男亞軍丁子朗 超齡參賽
現年26歲丁子朗是2016年港男亞軍，曾參演過超過20部劇，包括主演《青春不要臉》、《美麗戰場》、《下流上車族》等等。備受TVB力捧的他更於去年奪「飛躍進步男藝員」，幕前演出機會一個接一個！如今他卻突然放低藝人身份參加選秀節目，實在令人驚訝。另外，早前《亞洲超星團》進行香港站招募時講明工參賽者必須年齡介乎16至25歲，但1997年出生的丁子朗今年已過26歲生日，成為節目中的超齡練習生。
亞洲超星團︳聲夢殿軍冼靖峰
現年25歲的冼靖峰（Archie）於2019年參加ViuTV真人騷《全民造星2》成功晉級60強，可惜擅長唱情歌的他被批評唱得唔跳得而且表演太單一，形象又獨沽一味得個乖字可塑性唔高，最終未能進入48強。他於翌年再接再厲參加TVB的《聲夢傳奇》（第一季），最後憑出色表現奪得第四名。不過，冼靖峰去年因在直播節目上失言，指03年出生的學員是「沙士死剩種」而引起極大爭議，形象大跌。
亞洲超星團︳香港參賽者個個有背景
另外，雖然早前《亞洲超星團》進行香港站的招募工作，講明必須符合香港男性居民身份、年齡介乎16至25歲、唱得、跳得、Rap得共5大條件的參賽者才有機會入選，但最後原來選出的香港代表個個都靠背景。除了丁子朗和冼靖峰，還有23歲《聲夢傳奇1》9強黃奕斌、23歲《聲夢傳奇2》10強文佐匡、23歲環球唱片旗下歌手余宗遙、前TVB童星區珀豪、藝人莫少聰及洪欣的22歲兒子張鎬濂、歐陽妙芝15歲細仔方玉亨，以及20歲的黃星綽。另外，韓國選手亦有相熟面孔參賽，《PRODUCE X 101》出身的金東彬亦有參加。
亞洲超星團︳投票結果誕生選手
《亞洲超星團》由是TVB聯同香港星空衛視傾力打造的全新偶像選秀節目，節目簡介上寫道，旨在打造國際潮流和青春洋溢的「華流偶像、亞洲超星」，重塑朝氣蓬勃、健康向上的香港青年文化，以源遠流長的中華文化爲底蘊的華流文化引領港澳臺和全球華人青年、亞洲青年。另外，還標榜練習生將在節目中接受專業製作人和訓練師的指導培訓，最終根據投票結果，產生全新的亞洲超級偶像團體出道。
其餘參賽者名單：
亞洲超星團︳選手A字手勢官宣自介嚇親網民
TVB對於今次男團選秀節目真係有心有力，除咗拍攝個人獨照參賽相、後製特強之外，仲拍片「官宣自介」片，風格仲似足而家抖音。自介片中參賽成員都會有唔同的表演同自介，然後嚟一個「華麗轉身」！不過呢自介片似乎就唔好討好網民「啲動作以為佢哋係守護甜心 要unlock心靈」「型到與別不同」「陣亞視味重到」「大陸興呢類」「睇見都打冷震」
曾志偉曾寸爆指MIRROR唔係對手
今次TVB推出男團選秀節目，令唔少人都聯想到捧紅MIRROR、ERROR和MC張天賦等多位歌手嘅ViuTV《全民造星》。當曾志偉被問到《亞洲超星團》是否用嚟對抗MIRROR嘅時候，曾志偉就回應指：「唔係，我哋亞洲地區嘛」，網民都認為曾志偉嘅回應非常帶骨，仲話曾志偉似係想暗示「MIRROR紅不過羅湖」添。
網民反應一面倒唔睇好：咪有隊Super Tiger囉
其實TVB已經唔係第一次推出男團，之前為了為了食住因《全民造星》而誕生的MIRROR、ERROR等男團、女團的熱潮，TVB繼去年推出女團After Class後，再臨時組成一個10人限定男團Super Tiger，後來突然嚟一個大地震式重組，將企開C位開羅天宇踢走。今次仲話推出新男團，令網民都一面倒表示唔睇好。
