2022世界盃|Ash鍾卓穎引熄電視潮 冷處理派帽惹不滿:影響睇波心情

流行娛樂

廣告

2022世界盃開鑼,ViuTV播放19場賽事,球迷為了睇波由慣性收視大台都要轉台收看,月前ViuTV派女上場晚晚宣傳世界盃,當中有《全民造星4》鍾卓穎Ash,竟然令球迷睇波熱度驟減!更指「睇到Ash就想熄電視!」

鍾卓穎 Ash鍾卓穎去年參加《全民造星4》入行。
Ash鍾卓穎去年參加《全民造星4》入行。(圖片來源:IG@iamashleyyy___)

Ash鍾卓穎出現惹球迷不滿?﹗

Ash鍾卓穎在電視出現,有網民在討論區指「睇世界盃見到佢即刻轉台」,其後有網民回覆「喺Viu見到Ash即刻熄電視」,隨即引起網民紛紛留言認同,對Ash鍾卓穎所做的洗白工程唔收貨,「完全唔想見到佢」、「其實有冇人向ViuTV投訴過?」等等。

Ash Yoyo、Alice同Ash鍾卓穎的捉生啤宣傳片,打開ViuTV就見到,睇到你唔睇!
Ash鍾卓穎(右)、Yoyo(左)、Alice同的捉生啤宣傳片,打開ViuTV就見到,睇到你唔睇!(圖片來源:ViuTV截圖)
Ash Ash鍾卓穎有不少單人鏡頭!
Ash鍾卓穎有不少單人鏡頭!(圖片來源:ViuTV截圖)

Ash鍾卓穎主持《CHILL CLUB》試水溫

現年23歲的Ash鍾卓穎去年參加《全民造星4》,以白衣天使自居,揚言為追夢而放棄護士一職,一度是大熱,卻爆出隱瞞已婚身份,最後雖然60強止步,但仍被賞識而簽約ViuTV正式出道。點知話口未完又爆出Ash鍾卓穎同台灣老公阿龍已分居,結束僅一年多的婚姻,其後又爆出平安夜她和MC張天賦行超市而傳緋聞,「綠帽疑雲引起全城關注」,負面新聞不斷,形象插水,但當時人Ash鍾卓穎一直未有就負面新聞交待。等待新聞冷卻,ViuTV安排Ash鍾卓穎任《CHILL CLUB》客席主持試水溫,但觀眾依然唔受落,不斷留言柴台。

鍾卓穎 Ash鍾卓穎同米露迪主持《波係咁踢》,鍾卓穎被網民嘲有一對甲組腳所以安排佢主持足球節目。
Ash鍾卓穎同米露迪主持《波係咁踢》,鍾卓穎被網民嘲有一對甲組腳所以安排佢主持足球節目。(圖片來源:ViuTV截圖)
鍾卓穎 鍾卓穎同MC張天賦拍MV,之後被爆平安夜同遊超市。
鍾卓穎同MC張天賦拍MV,之後被爆平安夜同遊超市。(圖片來源:IG@iamashleyyy___)

開電視就見到Ash鍾卓穎

近月為世界盃開鑼,ViuTV大舉宣傳造勢,Ash鍾卓穎再次現身,孖米露迪等人主持《波唔係咁踢》,晚晚都見到佢,再次引起觀眾及球迷的反感,而近日的世界盃有關節目及宣傳片,Ash都有份,幾乎打開電視都見到宣傳片。

鍾卓穎 Ash鍾卓穎主持《波係咁踢》。
Ash鍾卓穎主持《波係咁踢》。(圖片來源:IG@iamashleyyy___)

「佢賣天使光環,同真實反差太大」

再次引起球迷激烈反應,「見到佢就諗起佢為咗做明星,同台灣老公離婚。」、「離婚冇問題,但佢離婚嘅Timing顯出佢人格」、「爆出真面目後,好難接受到佢」、「完全唔交代當無事,幾符合Viu嘅做法」、「仲有佢做護士嗰時拎人啲BB影相,呃Like」、「佢利用護士光環,拎病人私隱去比賽」、「因為佢賣完天使人設被爆結婚 就賣sweet。再被爆偷食 就話離婚,連玩大家幾鑊」、「嗰時吹到天使咁,同真實咁大反差」。

鍾卓穎 網民批評「佢一定係混血兒,混咗賓賓」、「佢個樣係初代Angelababy」「唔該換臉,但都換唔走對甲組腳」等。
網民批評「佢一定係混血兒,混咗賓賓」、「佢個樣係初代Angelababy」「唔該換臉,但都換唔走對甲組腳」等。(圖片來源:IG@iamashleyyy___)

Ash鍾卓穎曾打千字文回應又縮

一直未有交代負面新聞的Ash於4月時曾接受《Viu1人物專訪》,回應如何面對負評:「其實一開始真係好大壓力嘅,所以我當時情緒好低落,好收埋自己,一開始會好負面,但再消化、習慣之後,睇番發覺呢啲嘢唔會影響到我咁多。」她又指曾一怒之下打了十頁紙千字文反擊,但被朋友勸阻,最後未有公開這篇千字文。又表示自知演藝路比其他人難行,但會向好方面想:「 可能時間耐啲,大家對我嘅了解多啲,或者個睇法又會唔一樣呢!」然公司不少工作機會畀Ash鍾卓穎,不過似乎還有很多反對聲音,真係學佢話齋,佢嘅演藝路係難行!

鍾卓穎 Ash鍾卓穎
Ash鍾卓穎(圖片來源:IG@iamashleyyy___)

圖片來源:IG@iamashleyyy___、ViuTV截圖