2022世界盃｜關珮姿KK令球迷著迷：睇波為咗睇佢！自爆為前度傾家蕩產

Nov 28 2022

世界盃開鑼，焦點落在球隊勝負外，靠識波又吸睛女主持都好重要，今屆在NowTV的「世界妹」關珮姿KK，憑其甜美笑容、爽朗性格，成功留住一眾球迷mon住電視，更大讚 GFable，球迷指：「睇波都係為咗睇佢！」不過KK關珮姿自爆曾經是一名死蠢港女，曾被男友呃晒成副身家，慘成雙失！

世界盃關珮姿KK現年25歲。 — 關珮姿KK現年25歲。（圖片來源：IG＠kkmissy_）

世界盃美少女關珮姿自爆曾是正宗死港女

關珮姿KK有份主持NowTV直播世界盃，近日接受艾力網上節目《Have a nice Date》訪問，外表看來無機心的關珮姿，事實亦然，更被前度當水魚呃錢的㥇痛經歷。艾力大讚關珮姿GFable，她即自嘲：「即係普通啲，貼地啲。」艾力指呢種女仔最多人追求，因為容易相處，問她是否自少都多人追求？KK話：「又唔係好多，但都有，真係有啲non-stop，我都迫於無奈嘅﹗」不過佢就自爆曾是一名死港女：「我以前曾經係正宗一個死港女，八婆嘅，要知名道晒男友嘅行蹤，唔止要佢報到，仲要影相證明佢真係身處嗰度，依家諗番起先覺得迫得人哋太緊。」

世界盃關珮姿接受艾力網上頻台訪問。 — 關珮姿接受艾力網上頻台訪問。（圖片來源：YouTube＠艾力Eric截圖）

世界盃艾力指關珮姿外表平易近人，難怪自少被人當水魚。 — 艾力指關珮姿外表平易近人，難怪自少被人當水魚。（圖片來源：YouTube＠艾力Eric截圖）

關珮姿身家被前度清零

KK關珮姿雖然不乏追求者，卻遇上騙子令她賠上感情和金錢，她自爆在日常生活都常被呃，常被當水魚。她自爆遇過一個呃錢男友，指當時發現對方一張好大銀碼的借據，「係我面前賭，佢話幫朋友買少少，自己一齊玩少少，咁我又信，然後問我借錢，佢話幫我保管住啲錢，再畀利息我，有一、二千蚊，講到好似幫我做投資儲錢基金咁，就係咁喺我出嚟做嘢無耐，就無咗副身家，真係清零。」

世界盃關珮姿曾被前度呃晒成副身家，成為人生最慘痛經歷。 — 關珮姿曾被前度呃晒成副身家，成為人生最慘痛經歷。（圖片來源：YouTube＠艾力Eric截圖）

我的志願做中文老師

關珮姿KK識波性格唔港女令不少球迷鍾情，不過佢自爆當初睇波全因為工作需要，並公開多謝鄒凱光：「要多謝灘淑，係佢搵我返嚟，冇佢我就唔會機會去試去講波。」不過原來她對自己前途一度感到好迷惘，KK關珮姿本身讀中文教育出身，一直想成為一位中文老師，但後來接觸了幕前演出後，令她對初心很迷惘，經過一段時間才想通了，因為幕前演出令她發掘自己有更多可能性，最後認為做到自己喜歡嘅事已經很足夠。

世界盃剛踏入25歲，到酒店慶祝。 — 剛踏入25歲，到酒店慶祝。（圖片來源：IG＠kkmissy_）

世界盃去Staycation打卡當然最重要！ — 去Staycation打卡當然最重要！（圖片來源：IG＠kkmissy_）

mon負評：更加唔可以對工作求其

關珮姿KK又指有留意網民的批評，例如「咁樣衰又冇身材，又唔係好叻講波」負評，令她更清楚「：「更加唔可以得過且過，我係由零開始，最初只知場波90分鐘，波去咗邊都睇唔到，一直好多人教我好多嘢，令我覺得自己唔可以畀自己求其。觀眾係唔會因為你嘅進步而欣賞，因為大家係睇成果，所以我一定唔可以隨便咁對待我嘅工作。」