三上悠亞派軍糧 新世代當紅男歌手鐵粉仆倒讚

流行娛樂

廣告

29歲的三上悠亞,曾是少女偶像團體SKE48成員,2015年轉戰愛情動作片界後,憑天使臉孔與魔鬼身材一炮而紅,名氣更勝女團時期,醠被封為「國民女優」,其instagram坐擁345.8萬粉絲,YouTube頻道89.1萬訂閱人數,絕對唔惹少,更講得上男女通殺!日前三上悠亞又派福利,po出一系列性感可愛扮相,準備同大家齊齊迎萬聖節,仲吸引了現今當紅新世代男歌手鐵粉讚好!

葡萄朋友抽到三上條毛

有好多人對於愛上愛情動作片女優都唔敢宣之於口,就算係男人都唔夠guts,怕被人標籤為鹹濕佬,但經過時代洗禮,敢言先係皇道!好似新世代的歌手,唔少都係敢言之人,好似獨立歌手Tyson Yoshi、193@ERROR等,都係有嗰句講嗰句!尤其Tyson憑藉對音樂的熱情,自己唱好歌唔理其他人睇法,曾經公開表示以前係壞男孩事蹟,亦唔介意公開自己嘅愛情動作片偶像!其中Tyson最愛的女優就係三上悠亞,去年佢曾經在社交平台晒出盛惠580蚊嘅「CJ SEXY CARD SERIES VOL.80三上悠亞一盒12包 (連特典卡)」,這系列的「閃卡」抽唔抽到心儀女優要靠彩數,而Tyson好好彩抽到仲大叫「Lucky week」,又直認係三上悠亞fans,仲話「好羨慕朋友抽到佢條毛」,因為特別版會附上三上體毛一條,邊個部位就唔知喇!

三上悠亞 獨立歌手Tyson Yoshi今年聲勢凌厲,又舉行了個人演唱會,在新生代歌手中佔一重要席位!
獨立歌手Tyson Yoshi今年聲勢凌厲,又舉行了個人演唱會,在新生代歌手中佔一重要席位!(圖片來源:tysonyoshi@ig)
三上悠亞 從前愛分享日常生活的Tyson,曾在社交平台晒出一堆偶像三上悠亞的「閃卡」。
從前愛分享日常生活的Tyson,曾在社交平台晒出一堆偶像三上悠亞的「閃卡」。(圖片來源:tysonyoshi@ig)
三上悠亞 有親筆簽名之餘,幸運兒仲可以抽到三上體毛一條,Tyson不諱言葡萄朋友抽到。
有親筆簽名之餘,幸運兒仲可以抽到三上體毛一條,Tyson不諱言葡萄朋友抽到。(圖片來源:tysonyoshi@ig)
三上悠亞 仲收過三上悠亞親筆寫上佢名嘅禮物,真係好興奮呀!
仲收過三上悠亞親筆寫上佢名嘅禮物,真係好興奮呀!(圖片來源:tysonyoshi@ig)

三上新相Tyson 193齊讚好

日前三上悠亞派軍糧,發放一系列萬聖節裝扮冧粉絲,雖然睇慣佢全相今次嘅相略嫌密實,但鍾意三上嘅可能反而覺得新鮮?今勻三上新裝束,有老虎仔、學生妹和魔鬼等,此po一出喪吸近9萬likes,而當中不乏三上的鐵粉Tyson Yoshi及193@ERROR,大家都好識欣賞!

三上悠亞 三上派軍糧,性感程度實屬小兒科,不過仍吸近9萬likes,Tyson和193都仆倒支持偶像。
三上派軍糧,性感程度實屬小兒科,不過仍吸近9萬likes,Tyson和193都仆倒支持偶像。(圖片來源:yua_mikami@ig)
三上悠亞 Tyson和193品味相約。
Tyson和193品味相約。(圖片來源:yua_mikami@ig)

想搵三上拍MV未如願

Tyson去年曾接受澳門YouTuber加蔥《今日R.I.P》訪問,當時他表明對三上悠亞情有獨鍾,更揚言想搵女神拍MV:「其實我已經有一首歌個故仔係好啱搵三上悠亞拍!」Tyson指歌曲靈感源自於他的台灣網拍女友人:「有一個跟蹤狂跟咗佢四年,佢一直都好困擾,跟住佢同我講完之後,我就返去寫咗首歌,佢話真係㗎?係咪寫我有幾困擾?我話唔係呀,係由變態個角度出發,多謝你俾靈感我。」加蔥更自薦做變態佬角色,Tyson笑言「要露鳥」,加蔥:「開正我嗰瓣,我就係想咁樣,唔可以打格仔喎!一齊露?我哋partner。」Tyson Yoshi即反口:「咩呀?我係正常人,我係三上悠亞男朋友,你係變態,我保護佢嘛。」可見Tyson對三上的鍾愛程度。

三上悠亞 當時的Tyson目標想今年拍到新歌MV,係搵三上做MV女主角,更狗衝話自己係「三上悠亞男朋友」。
當時的Tyson目標想今年拍到新歌MV,係搵三上做MV女主角,更狗衝話自己係「三上悠亞男朋友」。(圖片來源:今日rip片段截圖)
三上悠亞 不過依家都10月喇,唔知年尾成事未?
不過依家都10月喇,唔知年尾成事未?(圖片來源:今日rip片段截圖)

同場加映三上試泳衣片:

圖片來源:三上悠亞@ig, tysonyoshi@ig, 193@ig,今日rip片段截圖