丁子朗大爆想同Ivy So結婚？！網民：馮盈盈仲唔夠喉呀？
廣告
TVB綜藝節目《亞洲超星團》開播後，9位香港參賽者中，來自TVB的丁子朗可謂係討論度最高的選手之一，除咗係佢完全唔啱色的粉底定係佢歌舞不精的表現都成為網民的關注點，再加上近日丁子朗擔正的劇集《妳不是她》馮盈盈上演火辣戲，令網民熱討。不過最估唔到丁子朗竟然大爆想同Ivy So結婚？
丁子朗想同Ivy So拍結婚真人騷
TVB丁子朗近日新劇《妳不是她》同馮盈盈打得火熱同時，據其他傳媒消息，丁子朗竟然大爆自己想拍類似韓國的《我們結婚了》結婚真人騷，而對象仲要係對台的COLLAR成員Ivy So，因為可以拍嘢又可以過足拍拖癮咁話！
網民：食懵咗？有馮盈盈仲唔夠
唔少網民對於丁子朗呢個想法意見兩極，有網民就表示係支持，令2台可以得以破冰，但有網民就指丁子朗簡直係異想天開，形容呢個難度級別簡直係年輕時想追日本女神新垣結衣咁！「食懵咗？」「佢真係當自己係超級老虎？明明就係超過伯虎」「發完夢未？」「唔好搞Ivy So得唔得？」「有馮盈盈仲唔夠喉呀？」「踩過界啦」「排隊啦師兄」「睇住戀愛百分百先頂住引」「妄想代言人」「都好事嚟，可能咁2台就破冰」
丁子朗《妳不是她》同馮盈盈上演火辣戲
以「聖誕驚喜限定，爆發戀愛共鳴」作宣傳招徠的《妳不是她》，以 50%奇幻懸 疑+100%貼地角度探討「何謂真愛」，是百分百純港式現代愛情小品。以林信 （丁子朗 飾）及夏莉（馮盈盈 飾）超浪漫愛情線做主打的《妳不是她》，首集即入戲肉，丁丁與盈盈將上演「甜度超標」床戲，二人除了極度入戲地甜蜜對望兼攬攬，更化身接吻魚連環啜，加上Soft Lens畫面，勁浪漫又唯美，劇組亦拍出了情侶在家打情罵俏的日常甜蜜感。除了連環啜，丁丁更會除衫展現結實胸肌，問到丁丁有冇為該幕刻意操弗？他笑言:「因為拍呢套劇時間都好 Chur，少咗時間做 Gym，但埋位前都會谷一谷胸肌，希望唔好太失禮，始終香港先生嚟架嘛。」
圖片來源：ig＠karl_ting、大會提供、ig＠ivyysooo、ig＠karl_ting
