【PINK】瘋蒲韓國 Ultra國際大型音樂節

流行娛樂

廣告

【韓謎日誌by Pink】하이~ 여러분 오랜만이야 !! 잘지냈어요 ?!!

我想講嘅係:「Hi~好耐冇見喇!大家過得幾好嘛?」自從韓國爆發咗中東呼吸綜合症,我已經好耐冇po文喇!因為原訂6月頭返閨嘅我,因疫情唔穩定(加上家人、朋友及客戶不斷勸阻),我只好將歸期再三延期。諗住呢次帶多啲新嘅資訊俾你哋,但為咗安全起見,就惟有cancel 啦!

其實今次去除咗做嘢之外,另一目的就係要參加Ultra喺韓國舉辦一年一度嘅音樂節。Ultra其實係個專門舉辦國際大型音樂活動嘅機構,每年都會喺各國唔同地區,如瑞士、巴西、意大利、英美法、日本及香港等舉行,並邀請世界最頂尖或人氣DJ嚟打碟,所以每次都吸引本土或外國遊客專程飛去當地捧場。而舊年我就同班豬朋狗友飛去韓國瘋狂玩咗一大餐喇!

內容延讀:

【你睇!跑到嚟啦!】多啦A夢台北跑 必搶選手包

【全港率先睇!】時代廣場WING GUNDAM 渣古頭完全體+組裝過程

可能你會問,點解其他地方嘅Ultra你唔去,剩係去韓國嗰個?理由好簡單:

1.呢度係我鄉下,可以順道做嘢兼溝通到,食同住都唔使煩。

2.近!香港飛首爾直航只需3粒鐘,好過飛其他地方遠到擘大口得個窿。

3.舉辦地方坐落於蠶室運動場,位處江南市區,交通十級方便。

4.凡於舉行音樂節期間,全韓國夜店會免費俾手持Ultra手帶嘅來賓入場,由於音樂會晚上12點就結束,所以各人如意猶未盡,都會湧去夜店繼續狂歡!所以非常hard-core。而事實上,Ultra音樂門票大約HK$1,000,連續兩晩舉行。而韓國夜店入場費平均30,000 won(即港幣約HK$220),所以約港幣千元就可以連續兩晚縱橫全韓國夜店見識,而且環境又大,音響又正,DJ又勁,簡直係派對動物嘅天堂!

今年因為中東呼吸綜合症,好多遊客都取消咗行程,今年確實失色不少。但為咗安全起見,應該減少喺呢段高危時期去咁多人嘅地方!玩係其次,安全先係最緊要吖嘛(其實我暗地裏勁沮喪)!

text-Pink

 

Pink (핑크)

韓妝達人,本來過着刻板OL生活,自小愛扮靚,更鍾意韓國潮流文化,幾年前隻身遠赴韓國學藝,在江南著名化妝學府Atelier Makeup Academy實習,曾參與過無數韓國fashion shows的化妝實戰,亦試過為韓國小姐化妝。回流香港後,創辦Pink Evolution化妝學校,教授地道韓式化妝,又代理韓國化妝及護膚品牌。Pink長期港、韓兩邊飛,極為熟悉韓國地道及最新的潮流文化,連本土韓國朋 友亦為之驚歎!

詳情可瀏覽本人facebook 專頁PinkEvolution