「兩餸飯Ali」自爆想做搞笑藝人 分享童年悲慘回憶!

流行娛樂

廣告

荃灣街市豬肉切割員劉宋威(威威)熱潮未完,除咗師奶們鍾意搵靚仔街市佬之外,老公們都唔放過靚女素人!近日爆紅的「兩餸飯Ali」(Alice)接受了《新Monday》的訪問,自揭「兩餸飯Ali」圖片來源,分享自己的故事同埋《新Monday》專屬J圖俾大家!

「兩餸飯ali」 威威 兩餸飯Ali
(圖片來源:lihkg討論區截圖)

「兩餸飯Ali」反擊戰 偷拍原來係自拍?

豬肉切割員劉宋威(威威)一事紅遍香港內地後,老公們即搵嚟「兩餸飯Ali」(Alice)嚟個反擊,將一張著住緊身上衣、裝緊兩餸飯的靚女圖放上網,即被網民指同女神李佳芯 ( Ali ) 撞樣。Alice原來呢張圖當時並唔係被「老公」所拍,而係佢叫妹妹幫佢影的相嚟,放上Twitter後大概半小時左右已經del post,但網民極快手已經cap圖放咗上gp同討論區!Alice即表示驚訝「估唔到一發不可收拾,最後變成咁我嚇親!」Alice又強調自己並唔係為咗扮野博出位架,當時只係於自己的店鋪裝飯食,同細妹玩吓。

「兩餸飯ali」 威威 Alice最近cos的山T女福星入面嘅拉姆,佢表示佢係cosplay界的新手
Alice最近cos的山T女福星入面嘅拉姆,佢表示佢係cosplay界的新手(圖片來源:Alice本人提供)

想參加口罩小姐 帶口罩時勁吸仔

Alice覺得自己帶咗口罩之後都幾好睇,如果好似口罩小姐呢啲唔駛露全相的節目,其實佢都覺得唔錯,只係有啲怕醜,不過佢指出帶口罩的時候都有被男仔撩過呢!Alice又表示自己本身想做一個搞笑的YouTuber同畫家,自知自己唔係好靚同埋身材又唔算好好,要去到威威咁出道,佢就未諗到咁深入,但而家多咗人關注,佢都希望可以多啲人睇到佢的畫作同埋手工藝。

「兩餸飯ali」 威威 兩餸飯Ali
Aliceq表示自己睇落似1米7,實際係1米6(圖片來源:twitter@AliceTaroa)
「兩餸飯ali」 威威
(圖片來源:Alice本人提供)

爆擇偶條件 唔鍾意威威 「賣魚MC」仲吸引!

講到最近爆紅威威,Alice就表示佢唔鍾意「肌肉佬」,覺得太大隻,反而「賣魚MC」呢種青靚白淨,斯斯文文的類型更加吸引佢,佢仲講咗自己喜歡的對象類型係「少少黑皮/身形瘦但係有少少肌肉/少少下垂眼」「後生」「溫柔大哥哥feel」如果要用一個藝人作例子,佢就指係日本藝人中尾暢樹。而香港的紅爆男團Mirror Alice就指佢本身無點留意。

「兩餸飯ali」 威威
(圖片來源:ig@waiwai_608)
「兩餸飯ali」 威威 兩餸飯Ali 荃灣豬肉ak
(圖片來源:fb@荃灣人)

詳細文章請睇:師奶再次搵到新靚仔街市佬 力捧「賣魚MC」威威地位不保?!

細個被人恰 搞到個人無晒自信!

Alice就講起自己讀書時期有因為自己外貌、性格俾人恰,搞到對自己的樣貌無晒自信同埋有情緒病,不過而家幸好有社工的幫助下,已經好返好多,不過Alice就指次次拍拖都俾人傷得好深,希望Alice可以遇到好男仔!

Alice最後想同「老公」們講:

「希望大家唔好誤會我
今次突然爆紅我真係都嚇親
我發誓絕對唔係扮野博出位

係IG都有見到好多人同我打氣
多謝你地願意鐘意我呢d人

話說,其實我係想人follow我IG
但係個個走去睇我Twitter,什麼鬼
我Twitter主要放負,都沒j圖」

福利圖:

「兩餸飯ali」 威威
(圖片來源:Alice本人提供)
「兩餸飯ali」 威威
(圖片來源:Alice本人提供)
「兩餸飯ali」 威威
(圖片來源:Alice本人提供)
「兩餸飯ali」 威威
(圖片來源:Alice本人提供)
「兩餸飯ali」 威威
(圖片來源:Alice本人提供)
「兩餸飯ali」 威威
(圖片來源:Alice本人提供)
「兩餸飯ali」 威威
(圖片來源:Alice本人提供)

圖片來源:twitter@AliceTaroa,fb@荃灣人,Alice本人提供,lihkg討論區截圖,ig@waiwai_608,