《試當真》推NFT賣圖賺錢 游學修IG出Payme QRcode眾籌 網民：之前又話唔搞黃牛炒賣自打嘴巴
《試當真Trial & Error》搞不一樣的NFT
熱門YouTube頻道《試當真Trial & Error》一直被叫好叫座，短片經常成網絡熱話，受唔少粉絲追捧。近年愈搞愈大，除咗開show《試當真一週年現場版》劇埸之外，仲奪得2021年YouTube熱門創作者第1位，YouTube粉絲升至429K，平均一條短片都成百k人閱覽，相當厲害。而最近《試當真》仲大搞NFT，以「NTR」即Next Trial Run為噱頭，唔賣平日NFT像素畫，賣6000張過去一年半「試映劇埸」的精選cap圖。仲指有別平常的NFT，唔係只用嚟抄賣咁簡單，要達致買、賣家雙贏，表示購入的NFT唔止係一張圖，仲有專屬服務、福利，係《試當真》PHASE 2，大展對未來的抱負，追求4大目標：1. 試當真頻道每日一片、2. 試當真舞台劇、3. 試當真藝員訓練班、4. 試當真電影，表示4個目標會在2年內全部達成。
完整影片欣賞：
網民普遍唔睇好 指游學修「割韭菜」
「NTR」宣傳片一出，網民一反常態，並無以往咁一面倒正面支持，普遍表示唔睇好，首先指NFT只係短片中的cap圖無誠意，未來長望野心太大，太過急進、進取，愈來愈商業化，有感令youtube粉絲不升反跌，特別係推出一日一片呢個概念，影響影片質素。有些網民更表示失望，認為游學修根本係貪錢，想「收割粉絲韭菜」，意思是指賺粉絲蝕的錢，高買低賣，而且明明之前指自己唔支持炒賣活動，而家就學人炒NFT，根本係自打嘴巴。「一幅咁嘅x圖賣hk$5000，我唔識自己上YouTubeCap？」「橫掂都係呃傻仔就唔好搞咁多嘢啦，又要懶好笑叫ntr」「最大的問題，都係睇唔到會員得到啲咩，特別係線上層面。」「留名睇收割粉」「廣告費 Show錢自己袋，製作費就搵人埋單」「如果有人買左，話我知點解買，我真係好想知」「等人接火棒囉」「修哥話每個都有獨一無二既框」
游學修出post否認貪錢 出Payme眾籌
有關「NTR」被指貪錢一事，游學修即出post澄清，放出《試當真》的payme QRcode，指自己唔係為賺錢炒賣，早於半年已經一早有唔少人邀請佢一齊搞nft佢都無答應過，而且佢認為NTR真係一種雙贏的方法，仲指自己會不停開live回應粉絲以及說服粉絲ntr的可行性，而真係想眾籌的粉絲可以直接payme俾佢，粉絲似乎唔太受理，仲愈來愈反感表示：「試當真呀修真係發錢寒，學大J籌沙律錢」「根本係以前傳銷騙案會講嘅嘢嚟」「最後都係發達大計」「淨係年中啲廣告都唔駛憂啦，有無咁餓啊」「越嚟越似嗰啲金融才俊」「交智商稅啦認真毛」
試當真view數得番2萬？
YouTube頻道《試當真》2020年開始運作，有逾四十萬追蹤。不過過去半年成為惹火channel，有網民發現近月《試當真》新片view數大跌，更指跌至…詳情請看
試當真NFT事件?
網民狠批《試當真》忘卻初心，大不如前，首先早前《試當真》忽然宣布推出NFT產品，引起大量網民負評，之後游學修就上「混血肥仔」的節目回應時件。
