曾志偉改革未得歡心!大股東黎瑞剛力斥TVB五大罪:大灣區開設新製作中心

曾志偉改革未得歡心!大股東黎瑞剛力斥TVB五大罪:大灣區開設新製作中心

TVB雖然大力求變,重新聘用曾志偉革新娛樂節目。不過睇來一向醒目嘅獎門人未討得大股東黎瑞剛歡心。黎瑞剛公開批評TVB節目老化、製作技術落後、內部山頭林立、管理層決策失誤及電商用戶體驗不佳等五大缺失,即刻睇睇TVB依家搞邊科!

撰文:神仙b|圖片:TVB截圖、東方新地|編輯:海月

曾志偉改革未得大股東歡心

作為TVB大股東嘅黎瑞剛日前接受訪問稱:自己對TVB「非常不滿意」!佢直接力斥TVB節目老化、製作技術落後、內部山頭林立、管理層決策失誤及電商用戶體驗差呢五條大罪。

黎瑞剛直言TVB呢幾年越來越難吸引後生仔,佢強調節目要引入更多創意。佢日後將積極參與TVB的運作,製作一d內地青年嘅創富故事,用來啟發香港嘅後生仔。

重要嘅事講三次 黎瑞剛三次強調自己對TVB唔滿意

黎瑞剛形容TVB迷失咗十年,對TVB大台嘅形容係「不滿意,不滿意,而且係非常不滿意」,更痛批TVB上至管理團隊,下至節目,都呈現全面老化同創新乏力嘅情況。係節目創作能力老化嘅情況下,TVB管理層仲山頭林立,難以形成合力。

曾志偉改革未得大股東歡心 黎瑞剛數臭TVB五大罪
TVB雖然大力求變,重新聘用曾志偉革新娛樂節目。

同時,黎瑞剛認為管理層收購決策亦存有失誤。佢認為買入星美控股債券並非一個良好嘅決定,呢幾筆交易導致TVB蒙受重大損失,撇賬高達8.3億元。

曾志偉改革未得大股東歡心 黎瑞剛數臭TVB五大罪

而TVB近幾年投入重金發展嘅電商業務「Big Big Shop」亦讓黎瑞剛感到不滿意,佢直言:使用體驗「很差」!

曾志偉改革未得大股東歡心 黎瑞剛數臭TVB五大罪

TVB節目製作落後 將發展中心放於大灣區

黎瑞剛指TVB製作水平已經落後於內地,佢並不指望曾志偉同王祖藍能一下改革成功,稱TVB應該更加開放,並且暗指會安排內地節目製作人員進駐TVB製作以大灣區為核心嘅節目。

曾志偉改革未得大股東歡心 黎瑞剛數臭TVB五大罪
黎瑞剛指TVB製作水平已經落後於內地,佢並不指望曾志偉同王祖藍能一下改革成功

目前TVB已經積極喺大灣區「插旗」,黎瑞剛透露將會喺大灣區開設新嘅製作中心,TVB正積極同廣東省政府磋商,預計能於2至3年內完成相關建設。

曾志偉改革未得大股東歡心 黎瑞剛數臭TVB五大罪
目前TVB已經積極喺大灣區「插旗」

YOU MAY ALSO LIKE ...