黎明演唱會帶大家重回90年代 全場大合唱出多首經典金曲!

黎明演唱會帶大家重回90年代 全場大合唱出多首經典金曲!

黎明演唱會昨晚(18/7)終來到尾場,一眾歌迷都熱切期待,而余德丞、蔡思貝、衛蘭、曾與黎明合作《原振俠》的李嘉欣亦有帶老公許晉亨一同觀看,直到8點半,演唱會正式開始,全場高呼:Leon~

撰文:八卦妹|圖片來源:新Monday攝、寰亞娛樂

(圖片來源:寰亞娛樂)
(圖片來源:寰亞娛樂)

黎明演唱會一口氣唱出多首90年代經典廣告歌曲 全場大合唱

一連九場《Leon 黎明 Talk & Sing 2021》演唱會昨晚(18/7)尾場,個唱甫開始時,大會率先播出容祖兒(Joey)與黎明的對話,其間更問到黎明點解當年要跳「Fing旗舞」,黎明就表示「排舞師話要有啲渣拿」,事後有Fans就叫他不要再跳舞,但黎明就爆出金句「心靈裡有跳舞嘅基因,但我皮膚裡面嘅因子就無跳舞因子」,Joey聽後一頭霧水十分爆笑。

(圖片來源:新Monday攝)
(圖片來源:新Monday攝)

及後,穿起白色西裝的黎明正式場,先以《夏日傾情》為個唱揭開序幕,隨後更一口氣唱出《如果這是情》、《無名份的浪漫》、《那有一天不想你》、《願你今夜別離去》、《人在邊緣》、《100樣可能》、《一夜傾情》、《愛比我重要》、《情深說話未曾講》、《我這樣愛你》、《我會像你一樣傻》、《沒名字的歌》,《無名字的你》、《對不起》,《我愛你》、《人在黎明》、《夏日燒著了》、《超平凡人的主題曲》等多首經典金曲,與歌迷一同回到過去,重拾昔日情懷,當中有不少歌曲都引起全場大合唱;而去到演唱會中段,大會就以《Sugar In The Marmalade》作為過場音樂,播放出黎明歷年來的演唱會及部份廣告的片段。

(圖片來源:新Monday攝)
(圖片來源:新Monday攝)

 

 

 

黎明大講兒時讀書時期的百厭史

在一運串的金曲後,黎明就開始Talk Show部份,他先以近年流行的韓式比心方式,並表示自己不太喜歡:「我自己唔鐘意搞呢啲咁細嘅嘢,而且如對方係個含蓄嘅人,你對住佢做,就會更加含蓄。又例如喺山頂位,坐到咁遠望住呢個手勢,你見唔見到係咩?整緊膠布,定係攞住支牙籤?咁不如直頭講『I love you』,有無反應都即刻知。」

(圖片來源:新Monday攝)
(圖片來源:新Monday攝)
(圖片來源:新Monday攝)
(圖片來源:新Monday攝)

 

隨後他又表示自己並沒有所謂金句,只係有時講得太過跳線,令記者朋友封了一個「金句王」的稱號,但其實是沒有甚麼金句;接著他就講出自己在求學時期的百厭往事,原來經典名句「空肚食早餐」,全因他在中學時期,每逢星期二、五就會遲到,而當被家長、老師問及時,他就表示:「我唔可以空肚未食飽早餐就返學!我一定要有充分嘅能量去製造糖分,令記憶力更加好,我讀書先會叻。所以我要排隊買,因為真係好多人買,一定買份早晨全餐。之後每次要去排隊嘅餐廳,我都唔再去買早晨全餐,求其搵間麵包舖買個麵包,咁咪唔會再遲到囉!」老師聽後,就問他為何只是憑星期二、五才買早餐,黎明就續說:「星期一唔食早餐,儲錢,星期二先夠錢買早晨全餐。星期三、四儲錢,星期五先再買,有剩嘅就留返星期六、日用。老師問我唔可以空肚,星期一、三、四食咩,我食隔夜餸啫,叮返熱就得啦。好,解釋完。」

(圖片來源:新Monday攝)
(圖片來源:新Monday攝)
(圖片來源:新Monday攝)
(圖片來源:新Monday攝)

 

之後,黎明就再提起金句「核心嘅外圍係核心嘅內圍」,並以愛情來作比喻:「核心嘅外圍係愛情,而核心嘅內圍就變咗親情。不過唔緊要啦,人要正面,喺呢個地球上面,我哋係生活喺表層,係咪?核心裏面係好熱,住唔到人,所以大家要互相珍惜,互相保護,互相體諒。大家根本唔會知道自己抽中咗邊支籤,好似今次賣飛咁,有啲坐喺下面,有啲坐喺上面,其實係睇你點諗啫。坐喺上面嘅,當自己抽中支上上籤咪得囉!」

 

 

(圖片來源:新Monday攝)
(圖片來源:新Monday攝)
(圖片來源:新Monday攝)
(圖片來源:新Monday攝)

YOU MAY ALSO LIKE ...