黎明演唱會正式開鑼 林海峰任首場嘉賓合唱《夏日傾情》+《蒙著嘴說愛你》 姜濤上載現場片段留言:謝謝

黎明演唱會正式開鑼 林海峰任首場嘉賓合唱《夏日傾情》+《蒙著嘴說愛你》 姜濤上載現場片段留言:謝謝

【黎明演唱會】闊別十年再次踏足紅館,黎明一連九場《Leon黎明Talk & Sing 2021紅館演唱會》今晚(10日)正式開鑼,今次各觀眾除了可以再次聽到黎明唱出多首經典金曲之外,仲可以在紅館內聽到「金句王」Talk足廿分鐘添。

撰文:八卦妹|圖片來源:唐劍康(當奴)IG、姜濤IG、林海峰Facebook

黎明演唱會正式開鑼 林海峰任首場嘉賓

黎明闊別十年再次踏足紅館,一連九場《Leon黎明Talk & Sing 2021紅館演唱會》今晚(10日)正式開鑼,由於疫情關係,今次只安排場內50%接近舞台的精選座位門票發售,並劃一票價為$880、不設山頂位置,今次主題係「Talk & Sing 」,作為「金句王」的黎明真係Talk足廿分鐘!首場嘉賓邀請到「林公子」林海峰擔任,二人不但在台上閒話家常,還合唱黎明經典金曲《夏日傾情》以及姜濤的《蒙著嘴說愛你》。

(圖片來源:林海峰facebook)
黎明闊別十年再次踏足紅館,一連九場《Leon黎明Talk & Sing 2021紅館演唱會》今晚(10日)正式開鑼,首場更邀請到林海峰擔任嘉賓,兩位加埋合共108歲嘅「Uncle」在台上一樣咁有魅力(圖片來源:林海峰facebook)
(圖片來源:林海峰facebook)
(圖片來源:林海峰facebook)

林海峰在完騷後就在其社交網上載相片,仲大爆黎明邀請他擔任嘉賓的對話:

開騷前兩個禮拜真實對話
J:多謝你邀請我做嘉賓,但係金句王面前我真係唔知噏咩喎?
L:唏jan⋯噏咩,Up to you la 。
J:咁⋯(硬食)好啦,到綵排時我再大概話你聽噏咩啦。
L:唏⋯jan,綵排綵排都不及天意安排啦。
J:(完)

#金句王即係金句王

(圖片來源:林海峰facebook)
(圖片來源:林海峰facebook)
(圖片來源:林海峰facebook)
(圖片來源:林海峰facebook)
(圖片來源:林海峰facebook)
(圖片來源:林海峰facebook)

當奴、姜濤齊Post片 姜man留言:謝謝

商台DJ之一的唐劍康(當奴)原來是黎明首場的觀眾,並在其社交網上的限時動態上與網友分享黎明和林海峰合唱姜濤的《蒙著嘴說愛你》時的片段,從片段中看到全場觀眾一聽到《蒙著嘴說愛你》就起哄,仲不停揮動熒光棒,全場氣氛高漲。

(圖片來源:當奴IG)
(圖片來源:當奴IG)
(圖片來源:當奴IG)
(圖片來源:當奴IG)

至於姜濤也有在其社交網的限時動態上載二人合唱《蒙著嘴說愛你》的片段,還寫上:「謝謝」,莫非姜濤亦有到場觀看黎天王的首場演唱會?!

(圖片來源:姜濤IG)
(圖片來源:姜濤IG)

 

(圖片來源:姜濤IG)
(圖片來源:姜濤IG)

重溫黎明金句、句句實用!

黎明金句,第一次睇唔明,睇多幾次,就發現其實好親民、好有道理同好實用,有網友甚至表示「想當年睇佢d金句淨係係到笑,今日睇呢堆金句幾有哲理」,你哋最鍾意邊句?睇睇網民如何評價「LEON的哲學」:

黎明金句
網友解話:「黎明這金句,應該是說人人性格/生 活方式不同,同一個職務 ,用不同方法/方式去生活。」(圖片來源:經濟一周)
黎明金句
左手打右手,其實唔痛嘅,因為嗰啲叫拍手⋯⋯(圖片來源:經濟一周)
黎明金句
唔好講咁多,做啦,做就會知道有乜嘢結果。(圖片來源:經濟一周)
黎明金句
講到去地心吸力,黎明金句智慧直迫牛頓啊!(圖片來源:經濟一周)
黎明金句
黎明教你做大事、成敗決策,心靈雞湯的感覺。(圖片來源:經濟一周)
黎明金句
有網友認為,「佢講嘢好有心思,你地要细心想想,我估佢講緊香港現時情况⋯⋯」坎坷過後有艇搭,亦可以話黑夜過後,就係黎明。(圖片來源:經濟一周)
黎明金句
黎明話你無辦法討好全世界,有網友盛讚呢個係「金句中之最金句」。(圖片來源:經濟一周)
黎明金句
有網友回應表示「我第一次去游水都係咁,冇諗咩方法,淨係繼續游,結果冇幾耐就浸親⋯⋯」(圖片來源:經濟一周)
黎明金句
網友補充「假設人有2面,2面都是假的!」(圖片來源:經濟一周)
黎明金句
網友表示聽過呢句;「 我以前返工都係咁同我老細講,結果冇幾耐佢就炒咗我⋯⋯」(圖片來源:經濟一周)
黎明金句
做好自己本分,問心無愧,唔洗理人點睇(圖片來源:經濟一周)
黎明金句
暮鼓晨鐘的哲理!有網友激讚,「黎生咁多金句之中,我最like 呢句&『我唔會空肚食早餐』」(圖片來源:經濟一周)
黎明金句
呢句好深,大家忖摩一下⋯⋯(圖片來源:經濟一周)
黎明金句
網友回應:「我反而識好多人係:要呃人,先要呃埋自己⋯⋯」(圖片來源:經濟一周)

未完!細數黎明作為老闆10大好人好事!

早年有指黎明在16年以匿名方式捐錢幫助牛頭角迷你倉大火殉職消防員遺屬,而之前也有報道指一位自稱曾係李嘉欣助手及為黎明工作嘅女士Queenie,指22年前跟黎明到北京工作點知期間突然小產,幸得黎明出錢出力幫手先逃過死門關!事隔多年對方想向大恩人黎明表達謝意,而黎明續拋金句回應:

「害過人嘅嘢一定記得,幫過人嘅嘢唔會記得,但一定冇害過人,所以我唔記得。」

黎天王為人及行事低調,做過嘅好事又點止咁少!黎明堪稱圈中最仗義疏財藝人之一,而且佢曾說:「如果錢解決到問題,就唔係問題!」Leon果然講得出做得到,所以好人好事又點止咁少,依家為大家逐一細數!

黎明54歲生日快樂!一文重溫「金句王」合輯!
(圖片來源:新傳媒資料庫)

01.堪稱圈中最好老闆 豪包助手婚宴酒席及首期

跟隨黎明身邊廿年的助手,當年係黎明中學同學,助手本身家貧,工作又不如意,適逢黎明入行,聘請他做助手,薪金亦不俗,二人相知相交,到助手大婚,Leon送了份厚禮,就是一張無銀碼的支票!講明任助手自己填,他早已視助手係兄弟!結果有傳助手唔好意思填,最後Leon包起他婚宴所有使費!咁都未算豪,Leon之後再送錢俾助手置業築愛巢,咁好老闆去邊到搵?

黎明54歲生日快樂!一文重溫「金句王」合輯!
助手大婚,Leon送了份厚禮,就是一張無銀碼的支票!(圖片來源:新傳媒資料庫)

2.七位數醫助手

有位助手跟Leon工作期間,突然患重病,Leon得知後即叫對方放長假休養,更自掏腰包七位數助對方醫病,可見Leon有幾咁仗義疏財,可惜其前助手最終不敵病魔離世。

LEON 對身邊的員工從不刻薄,做足100分。
LEON 對身邊的員工從不刻薄,做足100分。(圖片來源:新傳媒資料庫)

3.胸襟廣闊EQ超高

從前有一職員K跟隨Leon多年,出名是Leon團隊中的笑柄,撞板多過食飯,有次Leon到電視台錄影慈善節目,要唱改編歌詞的歌,叫阿K舉大字布以防錯漏,點知大字布係有,但成張倒轉咗,任由Leon台上打眼色,阿K都無動於衷,事後黎明不但無鬧爆佢,只係笑笑就算。另有次Leon胃部唔舒服,叫阿K幫手買「消化餅」(即係胃藥),阿K一去就幾粒鐘,返到嚟帶嘅竟然係「麥維他消化餅」,令人哭笑不得!雖然唔少高層都睇唔過眼叫Leon炒阿K魷魚,但Leon不但冇炒阿K,反而依然對阿K十分好!

黎明54歲生日快樂!一文重溫「金句王」合輯!
黎明對員工的失誤十分包容,撞板的𤓓事,笑笑就算。(圖片來源:新傳媒資料庫)

4.仗義疏財六位數幫同事度難關

Leon除了對助手豪氣之外,對公司同事亦十分重情重義,曾有同事因出現經濟困難,Leon即自掏腰包六位數幫對方度過難關。

黎明54歲生日快樂!一文重溫「金句王」合輯!
自掏腰包幫助員工,黎明都是主動出手。(圖片來源:新傳媒資料庫)

5.食飯應酬冇架子

熱愛摸酒杯底嘅Leon酒量當然有番咁上下,平時食飯應酬少不免會跟不同人敬酒,Leon從不隊冧人,見同事或朋友唔飲得,仲會主動幫手頂酒,所以唔少同事都極之喜歡同Leon食飯,除了佢全冇老闆架子,仲肯為大家着想呢!

黎明54歲生日快樂!一文重溫「金句王」合輯!
娛樂圈聚會多,Leon從不隊冧人,見同事或朋友唔飲得,仲會主動幫手頂酒!(圖片來源:新傳媒資料庫)

6.愛屋及烏助流浪犬

Leon前妻樂基兒出名係愛動物之人,而Leon亦愛屋及烏,主動向有關機構捐六位數幫助流浪犬,認真闊佬!

黎明54歲生日快樂!一文重溫「金句王」合輯!
Leon向動保機構捐六位數,幫助流浪犬義不容辭!(圖片來源:新傳媒資料庫)

7.助乞丐解困

Leon無論從前或現在都為唔少慈善機構服務,除咗眾所周知的公益金和Unicef,平時Leon都暗做善事。有次Leon跟助手出街,途中見街邊有一乞丐,Leon頓生惻隱之心,即叫助手有幾多錢俾幾多,之後還番俾助手,乞丐收到後連聲向Leon道謝!

黎明54歲生日快樂!一文重溫「金句王」合輯!
有幾多錢俾幾多,黎明真係唔話得!(圖片來源:新傳媒資料庫)

8.出名萬歲王

Leon未紅前,有次出席《勁歌金曲》節目後,拉大隊帶唱片公司同事到當年貴價食堂友和日本料理度開餐,大部分人見到餐牌價錢後個心都離一離,打算叫碗拉麵或小食就算,怎料轉頭侍應送來一枱的天婦羅、刺身和鮑魚等,嚇到個個滴晒汗,最後黎明偷偷將那張近五千元的賬單找數,喺當時嚟講絕對係大數目!

9.蝕賣500萬跑車

Leon熱愛超跑,曾以500萬買入至愛法拉利458 Italia超級跑車,但為了鄰居小朋友,愛車落地兩年後竟割愛蝕讓!事關每次佢開動戰車時,引擎聲發出嘅隆隆聲都嚇親隔籬屋小女孩,Leon知道後唔單止送果籃道歉,仲割愛蝕賣戰車,真係好有愛心呀!

黎明54歲生日快樂!一文重溫「金句王」合輯!
喺黎明心目中,靚車還靚車、但鄰居嘅心情比名車重要!(圖片來源:新傳媒資料庫)

10.禮物贈清潔嬸嬸

Leon平時收到好多fans禮物,例如花、果籃、糖果或其他食物等,Leon又不想浪費,於是會將這些禮物贈與清潔嬸嬸!而剛完成嘅4D演唱會中,Leon亦收到好多fans送嘅禮物,為了環保於是又將後台禮物分派俾其他人!

黎明54歲生日快樂!一文重溫「金句王」合輯!
做黎天王的「清潔遮遮」都幾好福利啊!(圖片來源:新傳媒資料庫)

黎明客串化老妝做「老黎」

雖然只係54歲,不過之前黎明扮過七八十歲的高齡「老黎」,參演一個年金廣告,以「老人Look」示人,在廣告中與小朋友玩大富翁,教育中年人士要為未來作打算。黎明扮演老人相當專業,不但扮相似到十足,連一舉手一投足都與老人家無異!

廣告出街後不少網民都直言沒為意該老人正是黎明,更表示他能夠做到老人家的感覺,十分有說服力。
廣告出街後不少網民都直言沒為意該老人正是黎明,更表示他能夠做到老人家的感覺,十分有說服力。(圖片來源:廣告截圖)
黎明54歲生日快樂!一文重溫LEON「金句王」合輯!
(圖片來源:廣告截圖)
黎明54歲生日快樂!一文重溫LEON「金句王」合輯!
(圖片來源:廣告截圖)

圖片來源:唐劍康(當奴)IG、姜濤IG、林海峰Facebook

YOU MAY ALSO LIKE ...