特別造型現身黃大仙!黃夏蕙年年爭上頭炷香原因竟然係⋯⋯

特別造型現身黃大仙!黃夏蕙年年爭上頭炷香原因竟然係⋯⋯

夏蕙姨(黃夏蕙)每年都會以一身特別造型,現身黃大仙祠爭上頭炷香!今年因新冠肺炎疫情關係,差啲未能成事。日前夏蕙姨上ViuTV節目《晚吹 – 總有一瓣喺左近》分享各種農曆新年的傳統習俗,更大談自己多年來每年都維持住上頭炷香習慣嘅原因!

撰文:東方新地|圖片:ViuTV圖片、夏蕙姨FB圖片及新傳媒圖片庫|編輯:海月|原文刊於:東方新地

特別造型現身黃大仙!黃夏蕙年年爭上頭炷香原因竟然係⋯⋯

ViuTV節目《晚吹 – 總有一瓣喺左近》由潘紹聰、岑樂怡及詹朗林擔任主持,逢星期五晚上11時30分播放,每集都會邀請嘉賓就不同主題分享靈異經歷,於大年初一晚(2月12日)播出的一集,節目就撇開各種鬼神學說,邀請了每年都以特別造型現身黃大仙祠上頭炷香的黃夏蕙擔任嘉賓,分享各種農曆新年的傳統習俗。

黃夏蕙年年爭上頭炷香 原來係因為⋯⋯
夏蕙姨為ViuTV節目擔任嘉賓,分享各種農曆新年的傳統習俗。

黃夏蕙表示,以前每年年三十晚都會相約鄧碧雲、鳳凰女及司徒關佩英到黃大仙祠上頭炷香,直至某年司徒關佩英因家中有要事不能出席,翌年更不幸離世,從此打破了四人的約定,之後鄧碧雲、鳳凰女亦因各種原因而缺席上頭炷香活動。

黃夏蕙年年爭上頭炷香 原來係因為⋯⋯
夏蕙姨的好友鄧碧雲、鳳凰女及司徒關佩英都已相繼離世。

代好友每年上頭炷香

事隔多年,好友們都相繼「升仙」,只剩黃夏蕙一人每年仍然維持習慣,她說:「依家得返我一個,其實我都好驚,我每年都同黃大仙講,叫佢畀我長命啲,等我可以繼續代佢哋(好友們)拜,同埋為社會做多啲事,做到佢唔畀我做嗰時,我先唔做囉!」

黃夏蕙年年爭上頭炷香 原來係因為⋯⋯
夏蕙姨話希望可以長命啲,繼續代好友們到黃大仙祠上頭炷香。

今年扮牛魔皇祈福

今年因為疫情關係,黃大仙嗇色園宣布頭炷香儀式會改為於社交網站及電視上直播,雖然巿民同夏蕙姨都冇得參與,但夏蕙姨在她的社交網上表示為了令香港老百姓「喺無奈嘅時刻帶點希望」,會於年初一下午三點以牛魔皇衣著上陣為香港市民裝香祈福。

黃夏蕙年年爭上頭炷香 原來係因為⋯⋯
近年夏蕙姨都會以該年生肖造型去上頭炷香,今次輪到牛年。
黃夏蕙年年爭上頭炷香 原來係因為⋯⋯
以往夏蕙姨(前排紅衫者)年年都堅持在年三十晚到黃大仙祠爭上頭炷香。
黃夏蕙年年爭上頭炷香 原來係因為⋯⋯
雖然每到年三十晚黃大仙祠都人頭湧湧,但夏蕙姨(右下角者)上頭柱香的決心非常堅定,每每都能夠成功霸到頭棚。
黃夏蕙年年爭上頭炷香 原來係因為⋯⋯
夏蕙姨03年更試過為上頭柱香而被扯甩假髮,仲畀電視台影低咗播埋出街,成為網上瘋傳嘅片段。
黃夏蕙年年爭上頭炷香 原來係因為⋯⋯
原來夏蕙姨是為了和已故好友鄧碧雲、鳳凰女及司徒關佩英的約定,堅持每年都去上頭炷香,圖為劇集《網中人》劇照,前左為鄧碧雲。

YOU MAY ALSO LIKE ...