【香港小姐2020】陳煦凝五強不入自爆情緒崩潰 心目中冠軍唔係謝嘉怡而係另有其人？！｜頭號粉絲
文：東方新地｜圖：陳煦凝IG、東方新地｜編輯：八卦妹（原文刊於：東方新地）
《香港小姐2020》舉行當晚，10位佳麗在舞台上施展渾身解數，在才藝表演環節中，中英混血鬼妹謝嘉怡Lisa大唱《上海灘》，而另一位大熱們廖慧儀則表演空中瑜伽搶分，而1號佳麗陳煦凝（Amber）則表演跳印度肚皮舞，十分搶鏡。
何孟珊為水腫陳煦凝按摩半粒鐘
《香港小姐2020》冠軍由25歲蘇格蘭混血兒謝嘉怡奪得，樣子標緻、笑容甜美，性格可愛，再加上唔鹹唔淡的廣東話，決賽當晚令她爭取不少分數，現場藝員嘉賓亦公開睇好好，三甲得主亦是大熱佳麗，外界對賽果大都表示認同滿意。不過有份落場的佳麗就唔係個個咁睇，好似小腰精的陳煦凝Amber就發文替姊妹何孟珊三甲不入而不值，寫長文大讚何孟珊有顆天使心：「佢知道水腫好唔開心，佢帶我去休息室幫我按摩咗半個鐘，不斷安慰我，佢各方面都好好，談吐才藝都特別欣賞佢，你係其實係我心目中的冠軍」，變相指謝嘉怡並非心中冠軍之選。腰精Amber同時貼出參選以來同佳麗們的集郵相，謝嘉怡的合照卻欠奉，圖片說明一切。
落選後呻兩個月冇覺好瞓
因對答牙尖嘴脷、又被指曾整容、IG放漏奶相加上激減三十磅，參選以來一直是話題佳麗，新聞多多，可惜五強不入，落選後接受訪問時，被問到最想做乜？陳煦凝狂呻：「梗係瞓覺，呢個月嚟綵排到好夜，返到屋企落妝，又一早返嚟綵排，每日得兩三個鐘瞓覺，終於有覺好瞓。」而Amber亦在社交網發長文指自己參選以來，如同極速上了成長的一課，是「人生中感受到最大壓力的日子……情緒崩潰到幾乎每日都喊，全身水腫又生暗瘡」大爆參選的苦況﹗
