食老本 引新粉 燦神YouTubers齊演笑

燦神廖偉雄1月開show,叫「燦神回歸演笑會」,副題係「七太救地球」。一睇就知食《笑聲救地球》乜太老本。本來show內個角色直接叫乜太,不過TVB臨時唔俾,燦神話TVB幫佢:「如果唔係佢咁做,邊有咁多媒體報道我個show?」表面講得輕鬆,不過原來截稿前重未搵齊嘉賓,「小李」胡大為多數唔會做,燦神就搵位後生仔做「表表李」頂上,再加插一眾YouTubers如伍仔同性感o靚模撐場。燦神明白食老本唔係辦法,惟有搵新紮網上紅人「互動」,吸引新生代粉絲入場,先可以成功吸金。

text-專題組 photo-Jacy、Tung

YouTube係小眾平台

即係咁,雖然「七太(乜太)」係廿幾年前產物,不過演笑會記招所見,燦神仍有唔少十幾廿歲fans,筆者同佢傾過偈,大部分都對燦神舊作如數家珍,絕對唔係職業粉絲,就連扮城城出位YouTuber伍仔,同只有17歲Anwo都專登捧燦神場。橋唔拍舊,最緊要有YouTuber受,原來佢兩位都YouTube睇到燦神經典片段而成為佢忠粉,伍仔重會個show度演出,佢話:「第1次接觸燦神係電視台重播《笑聲救地球》,當時笑唔停,同時個心度諗,點解佢笑位可以掌握得咁準?我自拍扮片放上YouTube,亦好大程度因為睇佢片。最近有機會同佢合作,就更加體會到乜叫專業。好似佢今日化個七太妝就即時上身,連劇本都唔使就引到全場笑唔停,呢咪功力囉!」

今次個show會搵一眾YouTubers後輩合作,伍仔係其中之一,燦神話希望俾到一班有潛質新人唔同平台有演出機會。「YouTube個平台雖然好大,但每個個體channel都好小眾,即係你要做好專,講園藝就係園藝,教化妝就係教化妝,搞笑就真係要令人笑到碌地先引到人click你。教人化妝還好,紅就會有化妝品sponsor你、俾錢你,但如果只係以搞笑賺likeYouTubers點搵到錢?我覺得呢班YouTubers需要有個唔同平台再發揮,但單人匹馬好難闖出去。」

重搵緊嘉賓

燦神話今次搵伍仔幫手,因為伍仔之前同佢講,做十幾年YouTuber,雖然有成績,但確定唔到之後點發展,有迷惘。「佢最初由模仿扮開始,模仿係!演藝第1個工作係需要模仿。但之後就要有自己創作,先有個人價值,人先會俾錢搵你做。所以我提議佢過我個show大家jam下,因為惟有唔同平台做唔同,先會有新火花出現,佢做完呢個show未必會即刻有老細睇中佢搵佢拍,但多個平台,始終叫多個機會。」

雖然話就話係俾機會後輩,但實際上係互惠互利多。個show只剩1個月時間,但竟然重搵緊嘉賓。「其實已經有個班底,不過全部都係拍膊頭,冇俾錢人,費事再開人個名宣傳啦!內容就可以講多少少,其中1 part『搞魔幻廚房』,係以七太個廚房做背景,會請著名魔術師Kelvin Siu演出大型魔術,到時可能會變隻牛出都唔定!而我自己亦會表演彈鋼琴,係我從演以首次表演。」

今次個show重搵網報主持薛國斌扮「表表李」,頂上胡大為小李個位,又搵3個模「色、香、味」做助手,講到底,燦神心知肚明,只食老本吸引力始終有限。「習近平都講過,用60年代思維經營而家2014身體又點掂呢?人係要不斷變,娛樂事業都係,要加入新元素先有吸引力。」

HKTV最緊要快

講開新,港視開台造成全城熱話,好多網民大讚節目質素高。不過唔知係咪王維基冇搵燦神過檔(笑),佢對於HKTV前景又有另一番見解,唔係太睇好。「你話HKTV拍攝質素好,其實TVB做唔到咩?質素,有錢就做到,而有市場你自然有錢。HKTV投入好大量資金同人手,咁樣燒錢法,維持絕對唔得耐。佢而家面對困難,係搵返錢唔夠cover開支,網唔同電視,唔使限時限刻收睇,佢點吸納廣告客?客戶睇你瀏覽率,又點令到多人去click你?呢兩樣係搵錢關鍵。王維基面對最大問題,就係點樣短時間內打開最大market。」

燦神話,王維基唔能夠只睇香港呢個market,而要將佢網絡電視做到全世界。

「網絡電視唔同TVB,TVB只係個地區電視台,網絡電視就係全世界。但廣告營運方面,點計數係個問題,例如馬來西亞觀眾click你,但可能香港客戶廣告唔使去到馬來西亞、新加坡喎,marketing就要諗通呢個問題。我認為應該好似Yahoo!咁,唔同地方set up地區sales and marketing團隊,一係同邊地區廣告公司合作。

「今時今日網絡世界要做到全球同步,香港只係製作中心,係1個點,將所有訊息同一時間發到全球,又可以同時世界各地收錢返,如果做到呢樣話,王維基會成為電視界新模式英雄,將香港電視製作帶去另1個黃金時期。但係要好快,因為冇錢燒喇!」

 

係時候重溫「乜太與你」啦,另外前排燦神錄幾段對YouTubers同乜太睇法。

早前燦神同新傳媒合作拍幾段YouTube片,扮出山整叉燒壽司,成功引起討論。

http://www.youtube.com/watch?v=0n5Qmf1JGxM

YOU MAY ALSO LIKE ...