曾志偉

霎時再感動︳曾志偉自爆歌手好友無義氣 小氣記足十年

流行娛樂

廣告

曾志偉喺日前播出《霎時再感動》擔任嘉賓,主題是「我係大人」,自爆同當年一位當紅歌手好兄弟幾近決裂,仲話人哋無義氣,不過最後話自己諗通咗,大人不記小人過,但就記足幾十年再重提!

曾志偉 曾志偉在無綫節目《霎時再感動》大講朋友之道。
曾志偉在無綫節目《霎時再感動》大講朋友之道。(圖片來源:[email protected]無綫影片截圖)
曾志偉 曾志偉所講的主題是「我係大人」。
曾志偉所講的主題是「我係大人」。(圖片來源:[email protected]無綫影片截圖)
曾志偉 曾志偉與譚詠麟平時去玩都有影皆雙,曾志偉飲醉酒,譚校長多數在場。
曾志偉與譚詠麟平時去玩都有影皆雙,曾志偉飲醉酒,譚校長多數在場。(圖片來源:微博@譚詠麟AlanTam)

曾志偉嬲爆紅歌星好友

曾志偉在《霎時再感動》中重提往事,憶述與一位歌手好友因為一件事反面,他沒有指及道姓,只說當時那位好友比他紅得多:「有一次應承其中一個朋友,我哋兩個一齊去為對方剪綵。到剪綵嘅前一、兩日,突然間我好兄弟打電話俾我,話『死啦死啦,呢次剪綵我唔去得』,我哋已經應承咗人哋喎,佢就話『因為係桑拿鋪,我係歌星,去剪綵會影響我形象,我歌星同你哋地位唔同㗎』。」曾志偉坦言聽完很生氣,覺得對方沒有義氣,於是嬲了幾日,二人沒見面也沒通電話。直至有一日如常上廁所,他在想是否大家自此「唔傾偈」?

曾志偉 當知道要為桑拿店剪綵,曾志偉接到紅歌手好友的電話,拒絕當日現身。
當知道要為桑拿店剪綵,曾志偉接到紅歌手好友的電話,拒絕當日現身。(圖片來源:[email protected]無綫影片截圖)
曾志偉 曾志偉直斥對方冇義氣。
曾志偉直斥對方冇義氣。(圖片來源:[email protected]無綫影片截圖)

自言大人不記小人過

當時的曾志偉唔明白對方的出發點,只覺得對方唔夠義氣,釋懷後自覺唔想失去這位好朋友,曾志偉說︰「人生能夠遇見已經難,成為朋友更難,成為知己更加要珍惜,為件咁嘅事就唔傾偈?當時就諗點呢?好簡單,我當佢係小人,我係大人,大人不記小人過,咁就可以囉!我即刻攞起電話打俾佢『喂點呀你,好耐冇見,飲茶吖』,之後飲茶時又回復以往般談笑風生。」二人和好如初後亦有重提當年這件事,對方亦有再解釋。

曾志偉亦諒解,他說:「我達唔到佢嘅境界,或者我唔係佢同佢身分,所以唔明白呢啲事。」他領悟到有時同朋友發生摩擦,只要站在對方的立場諗下,好容易就會釋懷,友誼亦都會長久!

曾志偉 當年的譚詠麟在香港已是巨星級歌手。
80年代的譚詠麟在香港已是巨星級歌手。(圖片來源:微博@譚詠麟AlanTam)

曾志偉開估當紅朋友是譚詠麟

其實早年曾志偉到台灣宣傳《一念無明》時曾經公開提及,大家都估這位當紅好友是譚詠麟,二人相識大半生,情同兄弟出生入死,曾志偉在節目中說:「我曾經喺台灣做過一個訪問,講番呢件事,個主持聽完即刻喊,到廣告嘅時候佢同我講,曾志偉,真係多謝你呀!我啱啱呢兩日都發生咗件咁嘅事,我依家即刻起身去探呢個朋友……」曾志偉語重心長同大家講,做人最緊要釋懷。但似乎記仇多啲喎

曾志偉 曾志偉形容當年曾經反面幾日的兄弟是他在娛樂圈最好的知己,對方當年紅過佢好多倍,譚詠麟最有可能。
曾志偉形容當年曾經反面幾日的兄弟是他在娛樂圈最好的知己,對方當年紅過佢好多倍,譚詠麟最有可能。(圖片來源:微博@譚詠麟AlanTam)

方丈真係好記仇!

常見問題

曾志偉啜爆性感女模影片詳情是?

近日曾志偉與一名性感女模慶生的視頻流出,從片中可見曾志偉在飯局中為壽星女熱唱生日歌之後,特意走向女模身旁一同吹蠟燭,隨後更上前啜爆該名女模,女模的身份背景亦立即被網民起底⋯⋯詳情請看

《獎門人》 停播了何時才會復播?

《開心無敵獎門人》早前播出最後一集就宣布暫別幕前,令不少觀眾都大為不捨,身兼總經理要職的曾志偉透露只要「將下半年節目安排好」或者睇下有機會下半年復播⋯⋯詳情請看

撰文:東方新地圖片來源:[email protected]無綫影片截圖、微博@譚詠麟AlanTam

YOU MAY ALSO LIKE ...