微辣霍哥新相被連登仔大讚靚仔：好多港女鐘意呢type壞男孩

連登仔大讚霍哥似壞男孩又高又靚仔？！

一直似乎唔係行靚仔賣樣路線的微辣manner藝人霍哥都竟然被連登仔讚佢新相有壞男孩感覺，幾靚仔，引起唔少網民熱討，意見兩極。認同的網民就認為霍哥身高真係出色，只係平時唔執吓個樣，而家執一執個樣佬味出晒嚟，仲話其實妤多港女都受落呢type「又高又重佬味」「可能睇得耐，個樣唔係好7姐（唔計佢行為）」「好多港女鐘意呢 type」「佢執下個look已經好過好多人好多，又高，平時唔執先覺得佢猥瑣姐」「正宗高大威猛」「佢執下個樣，唔chok個猥瑣佬樣出黎，其實係幾靚仔，加上人又高，溝女應該係低難度」「夠高大，其實有大把女埋身」不過亦有網民唔認同覺得霍哥都係行返幽默路線「好似三國無雙俾人秒嗰啲卒仔」「連正常人都唔係，點做靚仔，又x又猥瑣，如果條街有條女大嗌，第一個肯定捉x住佢」「唔靚仔 ……賊眉賊眼」「佢都可以歸類做Fxxk boy ?」「霍哥成個造型簡直係清朝海盜X刑場屠夫嘅混合體!!」

睇埋其他霍哥正正經經影的相，好似真係唔差？

重溫霍哥想當年舊照清秀激似甄子丹

霍哥早前喺社交媒體facebook上出post表示，有觀眾PM他，指他被爆出了黑歷史，霍哥緊張之餘結果發現是自己模特兒時期的照片，他哭笑不得地說：「做咩無啦啦要我面對自己！你邊位龍友啊！同我企出嚟！」似乎對被爆舊相非常無奈，但最令他介意的竟然是，他被放相的地方是一個名為「老餅」的群組，變相令成件事很「Old School」。

清秀激似甄子丹網民震驚

舊照曝光後網民非常驚訝，指霍哥非激似甄子丹，而且非常感嘆，表示：「好青澀，好pure, 果然係清泉。」「歲月不饒人啊～點先可以由青靚白淨變到依家咁猥瑣」，「同而家比正人君子好多。」，「受咗咩刺激？」「以前靚仔咁多！」不過同樣有網民表示喜歡現在的霍哥多一點，因為更加有內在美同善解人意咁話。但都有網民指出，霍哥一笑的話，就成個人徹底崩壞，勸大家唔好咁多幻想。